Hopi disgusto y tension den centro Dakota e dianan aki
ORANJESTAD(AAN):—Tin un tension basta grandi e momentonan aki den Centro Dakota unda adictonan ta wordo poni bao di curatela. Den pasado propio minister a haci un limpieza den e centro y te hasta a hera kita algun hende pa maneho dudoso den e problema di adiccion.
E tempo aya te hasta a wordo cuestiona asunto di fraude cu placa. Un di esnan cu a ser cori e tempo ey a lembe asina hopi te cu awe e ta trahando cu e minister. El a scapa di ser kita for di trabao después di un investigación basta profundo cu a tuma lugar riba maneho di adiccion.
Un persona straight a haci e investigación e tempo ey y como recompensa e corientenan negativo a logra convence pa nan core cune for di su posicion y el a bai traha pa minister presidente.
A pone un persona hopi serio na cabez di e centro Dakota. E persona aki parce a haya un stroke y e no ta trahando. Awor e grupo anterior ta busca tur manera di drenta bek.
E pregunta ta si minister Booshi Wever ta na altura di e fastball cu nan kier pasa. Henter e problema di adictonan mes ta ser maneha pa Patrick Werleman cu parce no ta funcionando nada nada manera debe ser.
E prueba di esaki ta e cantidad di adictonan cu ta birando mas y mas cada dia. Pa motibo di e maneho desastroso aki mes minister Booshi Wever ta core chens di bai atras grandemente den voto.
Awor cu e grupo dudoso ta purba di drenta e situacion lo bira peor. Ta con Booshi Wever por permiti algo asina?
Hendenan cu tin investigación grandi y cu a scapa di cay cera ta haci cos cu ta caba di perhudica Booshi Wever.
Ta mihor Booshi sinta un rato y analiza bon kico e hendenan aki ta haciendo pa no hinke den un poz mas profundo.
E hendenan yega na Booshi trahando den adiccion y su centronan ta lamenta cu e grupo dudoso aki ta busca manera di drenta bek pasobra nan a conoce e forma cu nan a traha den pasado y cu nan entrada ayo pasobra nan no lo sostene Booshi.
