Huez ta ordena ministerio publico pa cuminza investiga Booshi Wever
ORANJESTAD(AAN): Diabierna decision di corte comun di husticia den e asunto entre parlamentario Rudy Lampe y Minister Booshi Wever a cay.Algun dia pasa corte a trata peticion di Lampe pa Ministerio Publico cuminza un investigacion riba Minister Booshi Wever, kende na 2007 a yama Rudy Lampe pa pedofiel.
Diamars e hueznan di corte superior a interoga Minister Wever riba esaki y a scucha abogado di Lampe y di Wever y Diabierna nan a manda nan decision, cu ta bisa cu nan ta haya cu Ministerio Publico mester investiga e mandatario.
Rudy Lampe despues di a haya e decision di huez, a yama un rueda di prensa.Den e rueda di prensa el a splica cu Ministerio Publico a wordo ordena pa cuminza cu e procedura di persecusion di Minister Wever.
El a splica cu e ta contento no tanto pa su persona so, sino pa politica en general, pasobra den e sentencia ta poni cu “e expresionnan hasi pa Wever por a atacha honor y bon nomber di Lampe”.
“E expresionnan aki tambe por a surpasa e limitenan di loke ta permiti den un debate politico publico.“Hof no ta wak motibo di nenga peticion di Lampe”.
“E Huez ta bisa pues cu den un debate tin cierto limitenan y e mensahe ta bay pa tur politico pa durante un debate politico nos mantene nos mes na un nivel y riba ‘issue-nan’ y no bay den atakenan personal cu ta degrada e otro persona”, segun lider di partido RED.
El a sigui bisa cu hopi biaha e bida politico na Aruba ta wordo caracteriza pa insulto y ofensanan y esaki no ta bon.
Lampe a sigui bisa cu e ta kere cu for di Diabierna tur politico ta realiza cu mester eleva e nivel di politica aki na Aruba.El a gradici ex fiscal Amelin Flanegin, pa su tremedo trabao como su abogado.
Army
loke lampe ha hasi ta un berguensa sinta hiba information hulanda hasi coi chichi…y sali for misa bira politico.. anto tocante booshi e ta un homber transparete y no ta play un cos cu e no ta!!!!
Carlos Severino Tromp
Huez a ordena???
E ta bon NOTICIA pasobra Husticia den Reino Hulandes ta midi cu DOS midi y ta carece di BERDADERO Hueznan!!!
Carlos Severino Tromp
Huez a ordena???
E ta bon NOTICIA pasobra Husticia den Reino Hulandes ta midi cu DOS midi y ta carece di BERDADERO Hueznan!!!