Home Politica Hulanda ta vigilando desaroyonan di eleccion hopi di acerca na Aruba

Hulanda ta vigilando desaroyonan di eleccion hopi di acerca na Aruba

5
0
SHARE
- Advertisement -

NederlandORANJESTAD (AAN): Hulanda ta vigilando desaroyonan rond di eleccion na Ariba hopi di acerca y minuciosamente.Asina fuentenan yega na servicionan oficial na Hulanda a señala coresponsal di DIARIO, Godfried Adem, na Hulanda.

Ta asina cu señalnan cual a yega Hulanda ta hopi preocupante y ta indicando cu lo tin un enorme tension ne momento aki na Aruba pa cual Hulanda a laga esaki worde monitor pa autoridadnan Hulandes staciona na Aruba.

Ta bini acerca cu Hulanda no ta complaciente pa e forma con e lider di partido den gobernacion sr Nel Oduber a bin ta actua ultimo tempo unda cu pa Hulanda te hasta tabatin violacion y metemento den e poder hudicial na momento cu el a kita tareanan y poder di e Halto Comisario di Polis for di esaki.

Despues esaki a ser coregi pero esaki keda como un smak amargo y un sumpiña den wowo di Hulanda. Hulanda y oberservadornan Hulandes na Aruba ta teniendo cuenta cu den ultimo curva di e campaña politico aki unda MEP y AVP ta mano-a-mano, cosnan por sali for di man.

Ley di Reino ta duna Hulanda tur derecho pa interveni y trece trankilidad back na Aruba si esaki ta necesario. Sigur si autoridadnan policial riba e isla aki mes no por acapara ke caso aki.

Riba pregunta di DIARIO, di cual forma Hulanda lo por interveni si cosnan mester sali for di man y si autoridadnan policial Arubano mes no por controla esaki pa garantiza seguridad nacional, e fuente a señala cu no mester lubida cu for di siman pasa tin un compania di marinier bon prepara staciona na base Militar na Curaçao cu por yega Aruba den escaso mey ora pa tres cuarto di ora.

E compania aki cual algun tempu pasa a keda institui y cu ta carga e nomber di Commando Landstrijdkrachten (CLAS) tin tarea tambe di establece orden y duna sostene na autoridadnan policial y tey pa salbaguardia esaki den parti west di reino Hulandes.

No ta spera cu esaki mester yega asina leu. DIARIO a compronde cu tin continuamente tambe contact estrecho entre VNO, Gobernador y Hulanda y cu tin cierto escenarionan ya caba diseña pa cualkier eventualidad.

- Advertisement -

DUNA COMENTARIO

Please enter your comment!
Please enter your name here