Home Politica Inhusticia contra ciudadano den mabon kavel bao maneho di MEP

Inhusticia contra ciudadano den mabon kavel bao maneho di MEP

5
0
SHARE
- Advertisement -

ORANJESTAD (AAN): Sr Melvin Tromp e candidato di AVP cu durante bishita den casnan di nos cuidadanonan a haye confronta cu un pareha cu defacto tabata sostene un candidato ariba e lista geel di e gobierno actual cu a hiba nan y otronan den un temporada di castigo y mas ainda a confronta nan mes cu un situacion di inhusticia pa e forma con a trapa ariba e famia aki cu hamas por a pensa cu su propio representantenan den gobierno por a hibe na castigonan di e forma aki.

Sr Tromp den e encuentro aki cu e famia a bin sali na cla cu e señora involvi ta bin na remarke pa haya un cas di pueblo cu segun Sr. Tromp a bira casnan pa haci negoshi si nos mira awendia kiko ta e prijsnan cu ta worde pidi pa e casnan aki y pa colmo aki tabata trata di un mama soltera di cuater jiu cu segun Sr. Tromp lo tabata hiba momentonan dificil y mas ainda e señora soltera aki a worde declara cu no ta apto pa traha pa motibonan di salud cu hamas e por a pensa cu su propio partido lo bay na implementa castigonan di forma aki contra di su famia.

Durante di tur e dolornan cu e señora aki tabata biba a topa cu un persona cu e a dicidi di forma un bida cune cu a mustre e interes cu tabata cla pa juda e persona aki pasina nan por ta felis hunto y ta aki ta caminda cu e pesadilla a cuminsa pa e famia aki pasobra despues di un temporada corto hunto e homber ta worde declara un persona illegal den e cas y tur esaki segun un abogado encarga cu e casnan di pueblo cu a hiba e caballero aki den momentonan hopi dificil como e unico cu entrada financiero pa mantene e famia aki ta haye confronta cu un splicacion segun e abogado aki cu e mester bay paga un suma astronimico como castigo.

Prudente lo ta si Sra. Marisol Lopez-Tromp como mandatario encarga cu e instancia aki cu ta duna asistencia na esnan cu tin e derecho pa jega na un cas di pueblo bin bisa pueblo con por ta posibel cu un persona manera su persona cu studia ariba tereno social por ta sinta mira e tipo di decisionan aki pasa bow di su nanishi y acepta pa nos cuidadanonan ser perhudica di e forma aki y ainda nan tin e curashi di papia di “Nos Futuro” y “100% MEP” pasobra awe un homber cu a dicidi di extende un ayudo na un mama di famia ta worde trapa y castiga di e forma aki, foei anto Nos Por Mas?

Pregunta lo ta awe pa e pueblo votador aki puntra nan mes si ainda nan ta convenci cu e abusadornan aki di partido MEP tin e derecho pa ta representantenan di e pueblo aki pa e forma con e gobierno aki ta dicidi pa maltrata e famia aki cu ta uno di recursonan minimo cu a worde ninga pa haya un subsidio financiero di gobierno aki apesar cu e a worde declara incapacita pa labora ta haya un caballero den su bida pa jude tin cu haye ta paga un suma di 67 mil florin como castigo, acaso ta esaki ta e vision di e gobierno aki di MEP mas ainda tabata tin momentonan cu nan tabata haya nan mes ta paga mas ainda di locual cu e acuerdo ta bisa tur fin di luna.

- Advertisement -

DUNA COMENTARIO

Please enter your comment!
Please enter your name here