Home General Inscripcion pa Landsexamen a cuminza na Aruba

Inscripcion pa Landsexamen a cuminza na Aruba

8
0
SHARE
- Advertisement -

landsexamen_Inscripcion pa landsexamen 2010 a cuminsa pa e scolnan di MAVO/HAVO/VWO. Por inscribi te cu 30 di september 2009 na Examenbureau situa den Belgiëstraat 2 na Oranjestad. CE formulario pa inscribi ta obtenibel na Examenbureau y mester entrega e formulario yena den un forma corecto y cla.  Si un persona ta cumpli cu tur regla pa inscripcion y a pasa e screening di Examenbureau, anto e persona ta haya un notificacion pa trece e documentonan necesario. Tur inscripcion cu drenta despues di 30 di september y cu no ta completo lo no bini na remarke pa trata nan.Kendenan por participa na landsexamen 2010 pa MAVO, HAVO of VWO?
Candidatonan of alumnonan cu no ta inscribi na un scol di den dia of anochi. Ta haci excepcion pa candidatonan cu tin certificadonan otorga via landsexamen.
Tambe ta acepta candidatonan cu pa dia 1 di april 2010 tin e edad di 17 aña of mas pa MAVO, 18 aña of mas pa HAVO y 19 aña of mas pa VWO.
DIARIO a compronde cu tin excepcion ariba e dos gruponan menciona si e candidatonan pa examen pa avo ta desea di logra un diploma pa un solo vak cu ta na e mesun nivel di enseñansa di locual nan ta sigui actualmente.Esaki ta un vak cu no ta incorpora den nan pakete di vak.
Tambe ta haci excepcion pa candidatonan pa examen pa avo cu ta desea un certificado pa un solo vak cu na e mesun nivel di enseñansa di locual nan ta sigui actualmente. Esaki ta conta solamente pa un vak cu ta no por atende na scol anochi.
Candidatonan cu no ta cumpli cu e exigencianan menciona, no por inscribi pa participa na  landsexamen 2010.
Otro informacion importante ta cu durante e aña escolar 2009-2010 ta ofrece e ultimo oportunidad pa gradua cu un combinacion liber di vaknan conforme e palabracionnan haci pa logra un diploma di MAVO estilo bieu. E certificado pa “handelskennis” na nivel di MAVO tambe por uz’e pa ultimo biaha pa den un combinacion cu otro cinco of seis vak obtene e diploma di MAVO.
Durante e aña escolar 2009-2010 ta e ultimo biaha cu por haci examen na nivel di HAVO pa e vaknan di wiskunde A1,2; Wiskunde B1,2; Natuurkunde 1,2; Economie 1,2 y e “deelvakken” Wiskunde B1; Natuurkunde 1 y Economie 1. Entrante e aña escolar  2010-2011 no tin posibilidad pa haci landsexamen di HAVO cu e “deelvakken” menciona.
E certificado “Handelswetenschappen en Recht”  na nivel di HAVO por uz’e pa ultimo biaha durante aña escolar 2009-2010 pa den combinacion cu cinco of seis otro vak pa haya e diploma di HAVO.
Durante e aña escolar 2010-2011 pa landsexamen VWO ta duna e vaknan Wiskunde A1,2; Wiskunde B1,2; Natuurkunde 1,2; Scheikunde 1,2; Economie 1,2 y e “deelvakken” Wiskunde A1; Wiskunde B1; Natuurkunde1; Scheikunde 1 y Economie 1 pa ultimo biaha. Entrante e aña escolar 2011-2012 no ta haci VWO landsexamen den e “deelvakken” aki.
E certificadonan “Handelswetenschappen 1 en Recht” y “Handelswetenschappen II en Recht” na nivel di VWO por uza nan durante e aña escolar 2009-2010 pa ultimo biaha den combinacion cu otro cinco of seis vak pa haya un diploma di VWO. 

- Advertisement -

DUNA COMENTARIO

Please enter your comment!
Please enter your name here