Home Politica Ki dia Evelyn y dokter Kelly ta pidi dispensa na pueblo?

Ki dia Evelyn y dokter Kelly ta pidi dispensa na pueblo?

1
0
SHARE
- Advertisement -

OBSERVADOR POLITICO: Tin hende cu kizas a kere cu MEP e biaha aki lo a scoge pa un rumbo nobo. Cu MEP lo a scoge pa decencia y no sigui tras di Booshi cu pronto lo ta den corte pa un caso penal pa motibo di ta insulta hende.

Evelyn, cu su cara di santo ta pone aviso grandi den corant cu el a bin pa trece cambio. Dokter Maikel Kelly, cu ta predica tur siman lo a bin pa trece cambio y a bisa tur hende cu e lo bay riba lista solamente pasobra Booshi lo no bay riba lista mas. Y dokter Maikel Kelly tabata sigura tur hende cu Nel a priminti’e cu Booshi lo no bin back. Wel e cambio no a bin.

Durante e parada grandioso di AVP – cu tabata 6 biaha mas grandi cu esun di MEP – e cara real di MEP a keda demostra. Mientras Nel a bay sconde su curpa na Dakota, cu e tabata sa masha bon cu lo tabata bashi pasobra mayoria di habitante tabata den parade, loke a resta di e militancia di MEP bou di liderazgo di e comandante Edmond y Nilo a prepara banda di un bar na Santa Cruz pa para e parada di AVP. For di mainta trempan a cuminsa pak e militancia cu bebida pa asina militantenan haya poco brio. Ni esaki a yuda.

Loke si e resultado tabata cu e hendenan drechi den parada mester a tende un cantidad di insulto. Latinonan a worde ofendi den tur forma y a worde bisa pa bay nan pais back. Arubianonan di color y especialmente hendenan di San Nicolas mester a tende tur clase di insultonan racista. Muher burachi cu boca sushi tabata yama Canal 90. Y asina por sigui. Ta esaki ta e cara real di MEP cu nos pueblo por a mira diadomingo.

Ta bon pa tur hende di San Nicolas, tur Latino y tur hende drechi na Aruba conoce e cara aki. Y si Evelyn y dokter Maikel Kelly kier pa pueblo kere cu nan si ta diferente y cu nan si no ta di acuerdo cu tur e bagamunderianan aki cu nan hendenan di MEP a haci diadomingo nan lo mester distancia nan mes publicamente y pidi dispensa na nos pueblo. Si nan no haci esaki ta mas cu obvio pa henter pueblo cu nan tambe ta para completamente tras di tur e bagamunderianan y cu nan a bin pa sigui den e pasonan di Booshi.

- Advertisement -

DUNA COMENTARIO

Please enter your comment!
Please enter your name here