Home Policial Ladronnan a horta y causa destruccion na canal 90

Ladronnan a horta y causa destruccion na canal 90

0
0
SHARE
- Advertisement -

canalnoventa1ORANJESTAD (AAN): Diamars DIARIO a entrevista Directora di Radio centro Canal 90 Leoncita Arends, despues cu a ripara cu malhechornan a kibra drenta den e stacion di radio.Segun sra Arends, tur dia como prensa ta haya e informacion di atraco, ladronicia di auto etc.

Dialuna anochi pues Canal 90 a bira parti di e grupo di victima di e criminalnan.“Esaki ta uno mas di e disaster di criminalidad cu Aruba ta pasa aden tur tur dia”, segun sra Arends.

DIARIO a puntre kico a pasa ora nan a yega.E prome persona cu a yega tabata Juan Carlos y el a topa diferente porta kibra y nan a coi un telefon y a kibra glas di e studio principal.

Nan no a bay cu computer, apesar cu nan a prepare pa bay cune.Quizas nan no tabata tin suficiente tempo segun Leoncita.

E ladronnan a logra bay cu algun placa, recibi y algun carchi di telefon di SETAR cu canal 90 tabata tin pa rifa.

Nan a horta tambe algun telefon celular cu tambe tabata pa rifa.Un keho a worde entrega y polis a bin coi fingerprints.

Mucho no por worde spera cu lo sali for di dje, segun sra Arends.El a bisa tambe cu banda di watertoren polis a haya yabinan cu e ladronnan a bay cune, como tambe saco cu recibo.Esaki ta e muestra cu criminalidad en bez cu e ta disminui, ta crece e ta sigui crece.

Caminda cu e ladronnan a subi ta halto y no tin trapi, pesey e pregunta entre otro ta si nan a bin cu un auto specialmente pa nan por subi.

Arends a splica tambe cu e malhechornan a haci mas daño na e edificio, cu loke nan a bay cune mes.

- Advertisement -

DUNA COMENTARIO

Please enter your comment!
Please enter your name here