Home Deporte Lo bai tin un Knock Out di Volleyball pa damas B Klas

Lo bai tin un Knock Out di Volleyball pa damas B Klas

1
0
SHARE
- Advertisement -

volleyORANJESTAD (AAN)— Na mesa di redaccion di Diario Deportivo a yega un carta cual ta dirigi na tur miembronan di Aruba Volleyball Association y specialmente na e miembronan damas pa participa den e K.O di volleyball femenino. Siguientemente nos ta presenta e contenido di e carta aki:

“Na Miembronan di Aruba Volleyball Association Aruba.

Attn. Coach/trainer di: Gazelles, Britannia, La Fama, American Homes Volvox, Noord Country Club, The Rose.

Oranjestad, 26 augustus 2009

Re: K.O. pa B-klas damas

Apreciado Miembronan,

Manera nos a priminti, lo bai tin un k.o. den e teamnan di B-klas damas.

Den U-21 tin:

Gazelles, Britannia, La Fama, American Homes Volvox.

Den B-klas tin Noord Country Club y The Rose.

Como cu ta masha fastioso hunga cu dos team solamente den un categoria, nos a dicidi di pone e U-21 y e dos otro teamnan di B-klas hunto.

Den e 6 teamnan aki nos ta bai hunga un K.O. riba dos Diadomingo, cual ta Diadomingo dia 6 di September y Diadomingo dia 13 di September den e speelzaal di St. Paulusschool na San Nicolas. Nos ta cuminsa pa 11:30 a.m.

Diadomingo dia 6 di September nos ta trek number, pa mira cual team nan hunga cu otro.

Nos ta hunga: nr.1 contra nr.2, pa ganador A y perdedor A

Nr. 3 vs nr. 4, pa ganador B y perdedor B

Nr. 5 vs nr. 6 pa ganador C y perdedor C.

Ganadornan ta sigui hunga dia 6 di September mes te ora keda prome finalista pa finale.

Perdedornan ta bai pa dia 13 di September pa saca e segundo finalista pa finale.

Si bo perde dos biaha, bo ta cai for di competencia. Ganador ta sigui.

Nos ta hunga 2 set di 25 punto. E weganan ta sigui, un tras di otro, pesey no tin schedule pa horario.

Si bo team NO por participa, por fabor, laga nos sa mesora, pa nos tene cuenta cu ne dia di wega.

E hungadornan mester ta uniforma.

Por fabor, trece solamente bo hungadornan di U-21 of B-klas, pa e weganan keda sportief.

Si tin cualkier pregunta, yama nos libremente riba esaki.

Saludos,

Den nomber di Comision

Cheddy Lopez Henriquez”

- Advertisement -

DUNA COMENTARIO

Please enter your comment!
Please enter your name here