Home Politica Marisol na punto di worde aresta?

Marisol na punto di worde aresta?

3
0
SHARE
- Advertisement -

PolicialAyera Marisol a pone avisonan grandi den tur corant na Aruba splicando esnan cu por tabata envolvi den su escandalo cu esun cu ta paga personanan cu no ta departamentonandi gobierno sumanan di placa pa haya cas na Sero Colorado por ta mes castigabel cu esnan cu ta bendiendo e casnan. Marisol a cuminza sinti cu e caso aki ta otro cu e terenonan grandi cu e a yega di duna na su inversionistanan. Aki ministerio publico tin hopi mas dificultad pa no persigui e Ministro.

Un biaha mas DIARIO kier duna e detayenan di e complot di Seroe Colorado. Marisol a mira negoshi den benta di e casnan na Seroe Colorado y a dicidi di bira partner cu un di su empleadonan den gobierno.

Esaki tabata e difunto Elio Lopez. Elio Lopez lo haya e casnan di Marisol y e lo bende nan y parti e ganashi cu Marisol. Esaki Elio Lopez tabata splica e cumpradornan. E tabata garantiza e cumpradornan cu no tin ningun problema cu e dealnan aunke nan ta parce straño pasobra parti di e placa tabata bay pa Marisol su campaña.

E investigacion lo mustra cuanto cas a worde bendi. No ta conoci ki ora e otro partner a drenta den e negoshi pero ariba un cierto momento Randy Silva tambe a bira bendedor di e casnan na Seroe Colorado. Randy Silva a haya casnan di Marisol na un prijs hopi barata y tabata ofrece e casnan aki na e cumpradornan. Atrobe cu e mesun garantia na e cumpradornan cu nan no mester tin miedo di paga un suma como “brokerage fee” pasobra ta directamente cu Marisol e tabata deal.

DIARIO a mustra caba ayera con e negoshi tabata bay. E cumprador mester manda un carta pa Marisol pa haci e peticion na Marisol pa por haya un cas na Seroe Colorado. E mesun persona ey mester cera un contrato cu Silva pa un cierto cantidad di placa pa por bin na remarca pa cumpra un cas. Esaki tabata e procedura.

Prome Marisol mester sa kende ta e cumprador y inmediatamente su tras e cumprador mester firma un contrato cu Silva. Tin casonan cu e cumprador mester a paga Silva un fee di hasta 13000 florin pa cumpra e derecho pa cumpra un cas. No pa cumpra e cas pero pa haya e derecho di por cumpra e cas despues cu Marisol duna su acuerdo den esaki.

Silva tabata traha directamente cu Marisol y probablemente esaki ta e motibo cu diripiente awo cu DIARIO ta revelando e complot aki Marisol a dicidi di pone den tur corant cu hendenan cu paga personanan sumanan di placa pa casnan na Sero Colorado tambe ta castigabel.

Aki tin un intento di spanta e hendenan cu a paga pa haya cas. Esaki ta mesun tactica cu procurador general a usa den e caso di e personanan cu a paga Rudy Croes placa pa haya permisonan. Procurador general e tempo ey a spanta esnan cu a paga pa e permisonan door di anuncia cu nan ta mes castigabel cu e ministro en cuestion. Esaki a spanta esnan cu a paga pa e permisonan y nan a core bay.

Marisol ta trata di haci mescos aki pasobra e sa cu tin un cantidad di cumprador cu a perde nan placa cu e deal cu Marisol y awe ta pensando di no keda keto mas. Den e caso aki cosnan ta diferente pasobra esnan cu a paga Silva placa pa haya e derecho di cumpra un cas por a confia cu Marisol lo coopera cu e transaccion.

Nan no tabata haci nada contra ley. Awo cu e caso aki ta den publicidad door di DIARIO e cumpradornan a haya un speranza cu nan lo por bay cobra nan placa bek. Nan no ta compronde con e situacion ta na e momento aki pasobra Silva a cobra nan hopi placa di cual un parti lo a bay pa Marisol pero nan ta spera cu un dia husticia lo vence y cu nan lo haya nan placa bek.

DIARIO ta sigui e caso aki di cerca y ta warda kico mas ta bay sali afo. Cu e avisonan di ayera Marisol a duna un signal cla cu e sa exactamente kico ta pasando. E expectativa ta keda cu maske ta hopi laat Ministerio Publico y Procurador General no ta bay bula pipa pa un caso asina serio. DIARIO ta ariba henter e caso aki y ta conta cu e weganan cu a worde hunga lo worde para.

- Advertisement -

DUNA COMENTARIO

Please enter your comment!
Please enter your name here