Home Politica Marisol ta diep diep den e escandalo di Sero Colorado

Marisol ta diep diep den e escandalo di Sero Colorado

4
0
SHARE
- Advertisement -

contract_y_carta.cdrAyera DIARIO a publica e acuerdo cu tabatin entre Marisol y un di e partnernan den e escandalo di Sero Colorado. Marisol a bin keha cu den campaña ta bin cosnan cu no ta berdad y un di e cosnan lo ta e fraude na Sero Colorado. Ta pa refuta esaki pertinentemente DIARIO ta publica e fraude aki den su detayenan.

E acuerdo cu a worde publica ayera no ta laga caminda pa duda. Marisol a bende Silva, su partner, un tereno y cas na Sero Colorado pa 27.000 Florin. E mesun acuerdo aki Silva tabata usa pa mustra su clientenan cu e tin contacto directo cu Marisol y cu Marisol tabata duna tur cooperacion den e escandalo aki. Berdad ta cu un di e partnernan a muri net prome cu e tabata di bay splica henter e complot.

Silva tabata regla cu su clientenan pa e negoshi por logra nan mester a manda un peticion pa Marisol pa haya e derecho di cumpra un cas na Sero Colorado. Si Marisol no tabata den e complot ningun momento tabata necesario pa e cliente di Silva mester a manda Marisol un peticion. Ta hustamente pasobra Marisol tabata sa di tur esaki e a insisti pa ricibi e peticion y a base di e peticion Marisol tabata duna green light na Silva.

Ariba e pagina aki DIARIO ta publica e carta cu e cliente di Silva a manda pa Marisol. Esaki a sosode ariba dia 31 di Maart di e aña aki. Ariba e mesun dia e cliente ta cera un contrato cu Silva pa haya e derecho di cumpra e cas en cuestion. Marisol por bula ariba dal abao pero e ta hinca diep diep den e caso aki.

Ta parce cu probablemente LandsRecherche a haci loke e procurador general a desea pasobra kende cu ta cu tin dos dede di sinti ta mira cu aki sin duda tabatin un konkelmente di Marisol cu un paar di su partnernan.

Den e caso di e escandalo di Sero Colorado ainda DIARIO tin e speranza cu Ministerio Publico lo haci algo pasobra lo ta di lamenta cu e investigacion y eventual persecusion mester bin despues cu e Hulandesnan bin Aruba.

E testigonan, personanan cu a cumpra e derecho di cumpra un cas a declara cu tur dos e partnernan di Marisol tanto difunto Elio Lopez como Randy Silva den mas cu un occasion a mustra di tin contacto directo cu Marisol y nan a declara cu enfasis cu tanto Elio Lopez como Randy Silva a declara cu e cumpradornan no mester tin miedo cu algo por bay fout pasobra e placa envolvi pa un parti ta pa campaña di Marisol y pesey tur cos lo bay bon.

- Advertisement -

DUNA COMENTARIO

Please enter your comment!
Please enter your name here