Home General Mas di 1100 victima di Swine Flu rond mundo

Mas di 1100 victima di Swine Flu rond mundo

1
0
SHARE
- Advertisement -

ORANJESTAD (AAN): Ya tin mas di 1100 persona cu a fayece rond mundo debi na e pandemia di Griep di Porco of Influenza H1N1.

Tin hopi expectativa pa loke ta e lanzamento di e vacuna cu lo yuda mitiga e efectonan di e pandemia di Swine Flu cu ya caba a afecta casi tur pais rond mundo.

Siman pasa, Organizacion Mundial di Salud a laga sa cu e prome vacunanan contra Swine Flu lo por ta disponible pa publico na September.

Varios laboratorio a fabrica e prome cantidadnan di e vacunanan contra e virus H1N1 y nan ta realizando pruebanan clinico cu nan.

OMS a bisa cu e vacunanan mester ta disponible cu rapidez y den cantidadnan grandi pa asina haya e mayor impacto posible.

Inicialmente, segun e fabricantenan, tabata tin poco resultadonan ora di desaroya e vacuna locual a genera preocupacion pa e suministro, pero awor esaki a mehora.

Segun un Marie-Paule Kieny, directora di e Iniciativa di Investigacion di Vacunanan di OMS, e desaroyo di e vacunanan ta den marcha y a subraya cu e vacunanan lo ta sustenta pa tecnologia comproba.

DUDANAN: esaki a sosode despues cu algun experto lo a manifesta dudanan pa loke ta e efectonan secundario di e vacuna den poblacionnan den riesgo manera hende muher na estado y muchanan chikito, y pa e aparente urgencia cu algun pais tin den lanza e vacuna mas pronto posible.

A asegura cu e procedimentonan pa brinda aprobacion rapido pa e trahamento di vacunanan nobo pa combati griep di porco no ta reduci su seguridad.

E entidadnan cu ta regula esaki na Merca y Europa ta spera lanza nan vacunanan na e forma mas lihe, algun basa den e vacuna tradicional contra griep y otronan incorporando tecnologianan mas moderno.

Un bez cu e vacuna ta cla, lo mester distribui esaki di acuerdo cu cierto criterionan: hende muher na estado, muchanan, trahadornan den sector salud, personanan cu ta sufri otro malesanan, hende obeso y mamanan cu mucha. Nan lo ta e prome den recibi e vacuna.

E pandemia di griep porcino a causa 1.154 morto rond mundo desde su aparicion na luna di Maart, mayoria na America Latina y a afecta 162.380 persona, segun OMS.

E griep ta afectando specialmente e parti zuid di e planeta, na unda na e momentonan aki tin invierno, mientras cu e parti noord ta preparando pa e yegada di e pandemia na September, cu e inicio di e epoca di otoño y e apertura di schoolnan.

- Advertisement -

DUNA COMENTARIO

Please enter your comment!
Please enter your name here