Home Politica Medionan di MEP kier daña nomber di miembronan di AVP

Medionan di MEP kier daña nomber di miembronan di AVP

0
0
SHARE
- Advertisement -

Mike de MezaORANJESTAD(AAN): Diamars na corte di husticia a tuma lugar un caso sumario cu Parlamentario Mike de Meza a entama contra Solo di Pueblo, pa publicacionnan contra su persona.

DIARIO despues di e caso a puntra de Meza e motibo pa cual el a cuminza e caso, mirando cu segun representantenan di e matutino, Dialuna caba un rectificacion a tuma lugar.

Segun de Meza, un siman pasa Solo di Pueblo a dicidi di hinca algun articulo den corant cu no ta basa riba ningun realidad, cu e unico proposito pa purba daña su nomber y difama su persona.

E Parlamentario a sigui bisa cu mirando e eleccion cu ta bay tuma lugar y e acogida cu partido AVP y de Meza mes a haya, aparentemente MEP ta purbando tur cos.

De Meza a bisa cu ta conoci cu “een kat in het nauw gedreven maakt rare sprongen”.Awor pues MEP ta purba daña nomber di diferente colega di de Meza.

El a splica cu como cu e ta riba lista di AVP, nan kier daña e bon nomber cu e tin y pesey hunto cu su abogado el a ilustra na huez e puntonan, dicon e informacion treci den corant ta falso.

Abogado Anthony Carlo representando de Meza a pidi huez e ora ey pa pone un asina yama ‘dwangsom’ como multa, pa cada dia cu Solo di Pueblo no rectifica.

Huez ta bay duna su veredicto dia 16 di September.De Meza a splica tambe cu bo ta mira con e corant, e radio y awor tambe e television di Santa Cruz ta purba di causa daño na hende, siendo cu ta hopi cuestionable con un persona por a yega na bira propietario di corant, radio y television den asina corto tempo.

E persona cu mente maligno ta hasi uso di e medionan aki pa purba daña nomber di hende, segun e Parlamentario.

Esaki ta inacceptable pa ami, mi famia y mi partido, segun de Meza.Dañamento di nomber tin cu stop y esaki no ta e direccion den cual Aruba tin cu bay.

- Advertisement -

DUNA COMENTARIO

Please enter your comment!
Please enter your name here