Home Editorial MEP ta incapaz di trece e cambio cu pueblo ta desea!

MEP ta incapaz di trece e cambio cu pueblo ta desea!

2
3
SHARE
- Advertisement -

Tin hende cu ta papia djis pa papia, o pa haya atencion sin merece. Ora bo kier expone un idea, no mutila e berdad, pa bo evita di duna duna e impresion cu bo ta biba cu e idea cu Pueblo ta bobo. Esnan cu ta propaga semehante falacia, o sea cu no tin mester di cambia MEP pa e cambio desea bin, ta o ciego pa loke ta pasando rond di nan, o kier hustifica e politica egoista di partido sin tuma na cuenta e factornan cu Pueblo ta usa pa huzga nan: corupcion, patronahe y nepotismo!

Pa cuminza, ta con un Mepista, pa para e exodo cu ta tumando lugar den MEP por pidi nan pa busca e cambio cu MEP y no cu otro partido(nan) mas honesto y mihor prepara? Ya MEP a demostra caba durante dos Gobierno sigui cu e no por y no ta dispuesto “tampoco pa introduci e cambionan cu Aruba tin mester cu urgencia pa solventa e multiple situacionnan desastroso cu nan a crea durante 7 aña y pico di corupcion, patronahe y nepotismo!

Acaso nan no a mira e lista cu Nel a prepara pa bay eleccion? Ta kendenan ta prominente den e prome 10 puestonan riba dje? E mayoria no ta pertenece na e mesun museo di horor di MEP cu a benta Aruba den un precipicio di cual ta bay ta dificil sake? Ta di ki clase di “cambio” nan ta papiando anto? ,

E expositornan di tal idea no ta haya cu ta basta tribi di nan parti di bin cu e ponencia ridiculo ey? Ta con nan ta supone cu Pueblo ta bay guli e hanzue absurdo ey sin e carnada di realidad pega na dje?

Pa observadornan politico, ta parce cu Nel a presenta un lista pa no gana eleccion! No tin otro splicacion logico pa semehante falta di pragmatismo! Ta con el a kere di por crea e speranza di cambio si el a presenta e mesun nombernan cu a desgracia Aruba durante e ultimo dos gobiernonan di MEP? Acaso e partido ta huerfano di otro candidatonan mas apto, mas inteligente y sigur mas drechi cu nan? E lista ey ta duna un mal impresion di e obhetivo busca!

Ademas, MEP a demostra sin lugar na duda cu e no por goberna sin tuma medidanan contra Pueblo. Historia ta ripiti cada biaha cu Pueblo deposita confianza den nan, pa djey sufri decepcion tras di decepcion, pasobra ta net esnan cu el a elegi pa cuida su interesnan, a tuma otro rumbo pa defende solamente interesnan propio y di paso e interesnan di friends and family! Mientras nan si ta enrikeciendo nan mes cu y via nan compinchinan den Gobierno, nan ta empobreciendo Pueblo mas y mas cada dia.

Cambio? Si! E berdad ta cu Pueblo kier un cambio awor, pesey e momento ta propicio pa repasa tur e desastrenan cometi pa esnan cu a priminti di sali na su defensa, pa djey castiga nan cu su voto. Mi a splica Pueblo semper cu ta e tin e poder real den su man, o sea e poder di pone y kita Gobierno, di premia y di castiga un partido ora e haci bon o haci malo.

Pa loke ta trata e ultimo dos Gobiernonan di e MEP di Nel, no tin espacio pa discusion: nan a bira lomba pa Pueblo y a concentra nan miradanan riba e circulo di nan privilegiadonan, conoci popularmente como friends and family! Nan a probecha y abusa di e poder temporal cu Pueblo a pone den nan mannan pa yena nan saconan y esnan di famianan y amigonan, ignorando cu e arogancia di poder cu a ciega nan pa e sufrimento di un gran parti di Pueblo, e necesidadnan mas basico di e famianan Arubiano. Pesey mi ta convenci cu e castigo ta bay ta grandi dia 25 di September proximo!

- Advertisement -

3 COMMENTS

  1. Peublo di Aruba ta pasando den hopi castigo y mi ta contento ku Sr Mansur su exfuerso pa habri wowo di Peublo. Aruba vota pa bo isla stima, vota AVP vota pa bo futuro i pa bo TROTS paso Nel a pone Aruba mal mira den exterior. Aruba ta wordo mira pa hende sin manera y bulgar. Ban saka cara di Aruba bek !!! Nos ta hende desente y amable !!! Nel a pone Aruba su cara na berguensa !!! Ban laga Aruba Brija atrobe paso ta e perla den caribe nos ta !!

  2. Sr. Mansur, bo lucha contra corrupcion, contra e debilitamiento di e poder jucicial, e mehoramento di e sistema educativo y e sistema di salud ta algo cu tur hente mester agradeci bo.
    Un saludo

DUNA COMENTARIO

Please enter your comment!
Please enter your name here