Home General Mester casi un salario minimo pa cumpra buki na Colegio Arubano

Mester casi un salario minimo pa cumpra buki na Colegio Arubano

4
0
SHARE
- Advertisement -

ORANJESTAD (AAN): Parlamentario Monica Kock di MPA na 2008 a trece su preocupacion dilanti concerni e prijs di e bukinan na Colegio Arubano. Kock a splica cu SMOA a manda un carta pa tur mayor cu e prijsnan di e bukinan. Pa cierto klas e prijs ta Afl. 1.200,= pa e buki. E suma aki ta casi igual na e suma di un luna di salario minimo.

Kock ta sigui anadi cu bo por imaginabo cu un mayor cu ta biba di salario minimo no por alcanza di paga e suma aki. Corda si e mayor tin dos yiu cu ta bay Colegio Arubano.

Na 2008 MPA ya caba a signala e problema aki. MPA ta hopi preocupa pasobra mayor cu menos recurso lo ta cay den problema financiero. Ya caba e pueblo tin problema pa paga nan cuentanan mensual.

Pa famia cu menos recurso e prijs di un salario minimo pa buki ta hopi difícil pa paga. E ta trece cu ne cu esun cu menos recurso no por paga y esun cu tin placa si por paga pa nan yiu haya educación riba nivel halto. Realidad ta cu Colegio Arubano ta e único HAVO/VWO na Aruba. Kiermen e mayor no tin alternativa pero mester paga e suma.

MPA aña pasa a enfatisa, mas ainda a bin cu un mocion durante pa gobierno cumpra buki y duna esaki como donacion pa asina tur studiante por sigui studia.

MPA a insisti c uta posible pa por gobierno finanza e bukinan mirando cu Aruba a ricibi un suma di 280 miyon di Plant Hotel. E placa aki mester worde destina pa enseñanza, pero locual nos ta mira esey no a pasa. MPA a presenta e mocion pero fracción di MEP a vota contra e moción.

Asina a keda cu aunque MPA a insisti y bin cu mocion, Minister Lopez Tromp no a haci cambio y situación a keda mesun cos. Pa MPA tur hende ta conta, esey kiermen cu tur hende mester tin e posibilidad pa bay Colegio Arubano enbes di esun cu por paga e suma halto.

- Advertisement -

DUNA COMENTARIO

Please enter your comment!
Please enter your name here