Home Economia Mike eman: BBO ta bay!

Mike eman: BBO ta bay!

3
0
SHARE
- Advertisement -

Mike EmanORANJESTAD (AAN): Durante di su discurso nacional, lider di A.V.P. mr Mike Eman no a laga lugar pa duda y a declara cu enfasis cu BBO TA BAY. “Lo tene impuesto riba salario na e nivel reduci di 1 di Januari 2009 mientras cu lo elimina otro medidanan tuma durante di ultimo ocho aña cu a causa aumento di costo di bida”, e lider amigo a declara.

Esaki ta un declaracion importante ya cu politiconan pro gobierno a laga sa cu no por kita BBO. Awor mr. Mike Eman durante su discurso nacional a indica cu definitivamente lo kita BBO. No solamente esey, sino tambe lo kita tur e otro medidanan cu a causa aumento di costo di bida.

Di e manera aki A.V.P. lo cumpli cu e promesa pa baha costo di bida na Aruba. Tambe e lider amigo a duna di conoce cu lo intensiva control di prijs den supermercado y tiendanan, specialmente riba productonan di prome necesidad. Di e manera aki mr. Mike Eman ta splika con lo baha costo di bida na Aruba pruebando cu esaki ta un compromiso serio y no un grito di campaña.

E lider amigo a papia tambe tocante di stimulacion di energia alternativo pa baha e peso di brandstof-clausule y nos dependencia ariba petroleo. AVP tin un plan social pa yuda esnan den mas necesidad y cu no tin otro forma pa yega na mas of mihor entrada.

Meta ta pa sigura e necesidadnan basico di un famia den necesidad urgente. Aumenta onderstand cu 50%. Introduci un ayudo financiero di 1200 Florin aña, 100 Florin pa luna ariba e aumento di onderstand pa muchanan cu ta bay school.

“Un mama no mag keda sin drumi di angustia di no sa kico su yiunan lo come e dia siguiente of ki paña e lo bisti nan pa bay school”, tabata palabranan bon escogi di e lider amigo.

Tambe mr. Mike Eman a bisa cu lo yuda pensionadonan y esnan di menos recurso cu un woningtoeslag y un energietoeslag pa yuda den gastonan pa luna di cas.

- Advertisement -

DUNA COMENTARIO

Please enter your comment!
Please enter your name here