Home General Movecionnan straño tumando lugar den nos region

Movecionnan straño tumando lugar den nos region

0
0
SHARE
- Advertisement -

ORANJESTAD (AAN): — Pa algun siman caba segun fuente lo ta vigila movecionnan straño den awa teritorial di Aruba. Ademas lo a keda constata tambe den espacio aereo Arubano helicopternan no identifica cu ta circula. E casonan a keda revela na instancianan concerni y lo ta wordo vigila ademas inteligencia hulandes lo a tuma nota di e versionnan suministra.

Na varios ocason a wordo reporta cu un of otro obheto lo a ranca anker of cabuya di barconan cu ta ancra den awa teritorial di Aruba.

A lanta fuerte sospecho cu no ta exclui cu submarino no identifica lo ta ocasiona e incidentenan aki.

Manera ta conoci den nos region tin traficantenan ta hasi uso di submarino pa transporta droga.

Tambe por ta asina cu pais bisiña ta hasi nan operacion militar pa vigila movecionan den awa di Antiyas.

Mientras tanto inteligencia di Hulanda cu ta responsabel pa seguridad di e Islanan Antiyano y Aruba lo mester ta na haltura di e movecionan straño cu ta tumando lugar ultimo tempo den nos awanan teritorial.

Hulanda ta dispone di material super moderno y sigur ta monitor e movecionnan. Recientemente a keda constata un helicopter no identifica den espacio cerca di frontera di Aruba.

A wak hasta e helicopter ta bula masha abao mes, no tabata trata aki di entre otro esun di polis, tampoco uno militar y hulandes.

Tin cierto sospechoso cu aki lo por ta trata uno a bordo di sea di un yate, of di un pais den cercania.

Asina cu ta un nave no identifica ya ta lanta cierto sospecho cu aki lo ta trata di vuelonan pirata cu metanan menos bon.

Ainda ta fresco den nos memoria con patras di Altovista, un patruya policial a haye confronta cu un helicopter cu a blo riba nan y hasta manda luznan fuerte riba nan. Y despues direpiente e helicopter a desaparece, nunca no a tende con a para cu e investigacion.

- Advertisement -

DUNA COMENTARIO

Please enter your comment!
Please enter your name here