Home Deporte Nadya Ortiz dunando training na nos hoben ajedristanan

Nadya Ortiz dunando training na nos hoben ajedristanan

2
0
SHARE
- Advertisement -

ajedrez3ORANJESTAD(AAN)—Dialuna cu a pasa, Nadya Ortiz a cuminza cu su training di ajedrez na nos muchanan.

Nadya ta un Colombiana studiando na Estados Unidos y tin e titulo di Woman International Master den e deporte mental Ajedrez.

Federashon di Ajedrez di Aruba hunto cu Comishon di Subsidio y seccion Latino Amercano y Caribe di FIDE a logra di trece e hoben talentoso di Colombia aki na Aruba pa stimula y guia nos muchanan den e deporte di ajedrez.

E lesnan a wordo duna den dos seccion. Un seccion di 5:00 pa 7:00pm y un otro di 7:30 pa 9:30pm.

E seccion di 7:30 pa 9:30 ta pa nos hobennan mas avansa.Dianan di training ta di Dialuna te cu Diabierne.Diasabra awor, Nadya lo bay duna un simultanea den ajedrez.

Den un simultanea, un hungador ta hunga contra varios participante pareeuw. E ta pasa di borchi pa borchi, haci su hungada. Ora e pas full un rond y bolbe back serca bo, bo mester haci bo zet y e ta haci su siguiente zet. Y asina e wega ta continua.

Tur hungador di ajedrez ta bonbini pa participa na e simultanea aki.E simultanea aki ta cuminza diasabra awor (22 Augustus) pa 10:00 di mainta y lo dura te rond di 1:00 pa 2:00 di atardi.

- Advertisement -

DUNA COMENTARIO

Please enter your comment!
Please enter your name here