Home Politica Nel ta sera refineria atrobe

Nel ta sera refineria atrobe

8
0
SHARE
- Advertisement -

valeroORANJESTAD(AAN)— Valero den su ultimo memo na su empleadonan a anuncia cu mirando e desaroyonan nan a dicidi cu nan lo continua e shutdown di e refineria indefinitivamente.

Esaki ta un sla inmensamente duro pa nos isla y ta directamente e resultado di mal maneho di e gobierno di MEP. Dos aña pasa Valero a ofrece gobierno pa inverti dos biyon dollar pa renoba e planta completamente pa asina por tin un refineria pa hopi tempo mas.

E oferta tabata encera cu e gobierno mester kita e BBO for di Valero y na e mesun momento elimina e tax holiday cu Valero tin y introduci un winstbelasting pa e compania. Valero lo garantiza gana of perde placa pa en todo caso paga entre 40 pa 50 miyon florin pa aña.

E gobierno di MEP a comete un error historico cu e decisionnan tuma basa ariba un falta di conocimento total y un maldad cronico. Awe muy en particular nos ministro presidente mester worde poni responsabel pa e desaster cu e a causa.

Di ningun manera e por sali for di e responsabilidad aki. Ta directamente culpa di dje pasobra den e caso aki no tin otro ministro envolvi. Ta ministro presidente su so a hunga sabi keriendo cu e tabata sa miho e a tuma e decision di mantene e obligacion ariba Valero pa paga e BBO ni maske cuanto Valero a splica cu si e BBO keda nan ta bandona Aruba.

Ta ministro presidente Nel Oduber a dicidi di mantene e BBO pa Valero cu e conviccion cu Valero lo keda pasobra segun Nel Oduber e compania tabata gana hopi placa y nan tabata hunga un wega.

Un falta di vision total di banda di Nel Oduber a pone cu awo centenares di nos hendenan ta bay cas perdiendo nan entrada. Ta increibel cu nos tin un ministro presidente cu a haci nos isla tanto daño den corto tempo.

Ta e maneho malisimo a causa cu KLM despues di casi un siglo a bandona nos isla pasobra nos gobierno no por a handle e situacion. Mescos a sosode cu Carnival Cruises y American Airlines.

Nos pais a worde destrui door di e gobierno di MEP. Pa acomoda e elite di MEP di friends and family medidanan cruel a worde tuma contra nos hendenan cu a causa cu awe Aruba conoce un pobreza horibel y cu e baymento di Valero e situacion ta bay bira hopi pio.

Ya caba pa falta di e mesun mal maneho di e gobierno di MEP tin retironan ta cay den nos hotelnan. Nos turismo pa e mesun mal maneho ta bayendo malisimo y awo nos tin e drama di Valero.

Aki no ta trata solamente di falta di conocimento pero tin un parti grandi di maldad cu ta causa e rumbo malo cu nos isla ta aden.

No tin duda cu ta Nel Oduber y su gobierno ta directamente responsabel pa e chaos cu nan ta bay laga atras.

- Advertisement -

DUNA COMENTARIO

Please enter your comment!
Please enter your name here