Home General No a traha ningun raport pa drechamento di Colegio Arubano

No a traha ningun raport pa drechamento di Colegio Arubano

1
0
SHARE
- Advertisement -

colegio arubanoORANJESTAD (AAN): Atrobe, un biaha mas, Minister di Enseñanza y di hopi otro cartera, ta bolbe pega barco ora cu e ta emiti un comunicado di prensa señalando cu Colegio Arubano San Nicolas ta worde drecha cu Placa di Plant NV.

Relaciona cu esaki, segun Marisol, na aña 2006 Parlamento di Aruba a logra pone un suma di 2.6 miyon Florin pa loke ta renobacion y mantencion di Colegio Arubano.

Segun acuerdo den Parlamento, 540 mil Florin lo a worde aloca pa drecha e problema cu tabata tin ora di awacero na Colegio Arubano Playa y tambe pa drecha e tereno di school.

Marisol ta sigui bisa den su comunicado di prensa cu e resto di placa lo a worde aloca segun un rapport traha door di miembronan di rectorado Sr. Chando Pieters y Sr. Jossy Tromp, pero cu e rectorado a dicidi cu e placa lo mester a worde destina pa Plaza Pa Jos, lokaalnan, gymzaal y electricidad di lokaalnan di Colegio na Oranjestad.

Mas leu, den su comunicado di prensa (lesa copia adhunto), e minister ta señala cu e rectorado no a aloca placa pa a drecha Colegio San Nicolas.

Awor, ta bon pa DIARIO trece dilanti, relaciona cu e informacion aki emiti door di e propio minister y cu DIARIO si a publica, no manera e ta grita na radio cu DIARIO no ta publica cosnan relaciona cu su ministerionan, cu no ta asina cu un raport a ser traha door di Sr. Chando Pieters manera e minister kier a mustra.

Den transcurso di ayera, DIARIO a combersa cu Co-rector di Colegio Arubano Sr. Chando Pieters kende ta subraya enfaticamente cu ningun raport a ser traha. Es mas, e kier wak e raport cu supuestamente Chando Pieters como Jossy Tromp, miembronan di e rectorado, a traha y caminda cu nan lo a dicidi pa e placa worde destina na entre otro lokaalnan, gymzaal y electricidad.

Sr. Pieters den tur su derecho y pa nos trece mas claridad ta declara cu su nomber ta worde atacha den e caso aki.

El a manifesta, cu den corant, ora Buchi Juan lesa cu Chando Pieters a aloca placa, esey ta nifica cu Buchi Juan sa cu minister di enseñanza, Marisol-Lopez Tromp ta pone cu e tin e informacion cu Chando Pieters como miembro di e rectorado a haci esaki of esaya.

Chando Pieters, a subraya, cu e no tin ni un autoridad pa aloca ni un placa. “Mi no a traha riba ni un raport. Nan mester mustra mi e raport ey”, a bisa categoricamente.

A agrega cu si a pone cu el a exclui San Nicolas for di un of otro forma, e ta haya esey un tiki baho.

Manera nos a priminti Sr. Pieters, nos ta bin back riba e articulo aki cu a sali publica diamars 25 di Augustus 2009 riba pagina 59 di DIARIO y caminda ta referi na su persona.

A enfatiza cu e ta papia pa su responsabilidad, aunke no den nomber di Sr. Jossy Tromp ya cu esey ta Sr. Tromp su responsabilidad. E ta sinti cu su nomber a worde atacha.

Segun Sr. Pieters, e ta purba haci su trabao mas mihor cu ta posible. A agrega cu el a haya opdracht di su directiva pa e bay sinta entre otro, den un reunion cu DOW caminda nan mester a papia di un ke otro. A enfatiza e no tin un saco di placa caminda e por bisa cu e ta bay drecha Plaza Pa Jos y e no ta duna San Nicolas ya cu esey no ta cosnan cu e ta dicidi.

Ohala, a manifesta e por a dicidi riba placanan cu mester worde aloca pa cu Colegio Arubano caminda cu porcierto, ta pone full otro enfasis y otro alocacion aworaki ta tumando lugar.

Adhunto, por lesa e copia di e comunicado di prensa cu Minister di Enseñanza, Asuntonan Social y Infrastructura a emiti y cual awor mester bin un clarificacion riba dje caminda ta menciona cosnan cu segun declaracion di Sr. Pieters no ta cuadra cu berdad.

Teniendo na cuenta e situacion aki, un asunto cu awor comunidad mester keda tira bista riba dje ta investiga si enberdad e famoso placa di Plant NV lo worde destina pa drecha infrastructura di Colegio Arubano San Nicolas.

Den tempo di campaña asina tanto prome piedra ta ser poni y tanto caretera ta ser asfalta cu no ta nada straño cu awor placa di Plant NV tambe ta worde usa pa haci campaña cune.

Minister Marisol Lopez Tromp awor lo mester bay duna prueba na Sr. Pieters cu e lo a aloca placa y cu e lo a traha un raport.

- Advertisement -

DUNA COMENTARIO

Please enter your comment!
Please enter your name here