Home Economia No por permiti pa turismo keda bay atras

No por permiti pa turismo keda bay atras

2
0
SHARE
- Advertisement -

ORANJESTAD (AAN) – Matutino DIARIO a entrevista señor Michael Kuiperi, ken tabata e prome director di Oficina di Turismo di Aruba. El a expresa cu a base di esey Otmar Oduber a invite pa participa den e Comision cu el a lanta, cu ta consisti di un grupo di personanan cu tin hopi aña di experiencia y cu por contribui talvez, na e mehoramento y progreso di e turismo den nos pais.

El a duna di conoce cu tin varios persona mas cu a forma parti di e prome team di Oficina di Turismo, manera sr. Watty Chai y Rori Arends. Nan a cuminza den ATA y cu awendia por yuda pasobra kico cu bay bon na Aruba ta bon pa nan mes tambe.

“Mi ta haya cu e reunion a bay masha bon y el a trece hopi punto dilanti cu ta necesario y cu por yuda Aruba. Puntonan manera transportacion, necesidad di airline, mercado nobo manera areanan mericano nobo, puntonan vital manera servicio cu mester drecha y bay dilanti tur caminda, hospitalidad…nos no por permiti pa Aruba keda bay atras, manera nos servicio y nos trato pa e bishitante. Nos tabata asina orguyoso dje semper, den pasado, cu e bishitante tabata manera un rey cerca nos.

“ Awendia e no ta asina mas. Awendia nos ta trata nan manera cualkier bishitante, nan ta hayando e trato cu nan ta haya otro camindanan tambe. Nos mester ta riba esey, nos mester ta excepcional caminda e bishitante sinti cu na Aruba e ta welcome y pesey e kier bin Aruba. Mi ta kere cu henter e pueblo mester bay worde motiva pa traha den e direccion aki”, sr. Kuiperi a menciona.

Asina mas aspecto a worde trata diahuebs, tocante e turismo en general, segun sr. Michael Kuiperi a enfatiza.

Pa e plan di AVP worde ehecuta cu exito, sr. Kuiperi ta kere cu esey ta depende di e boluntad. Si nan yega na gobierno y nan ta nan ta para tras di e proyecto y pone nan boluntad e ta logra.

“Mester tin e realizacion cu turismo ta e factor di mas importante den nos economia. Esey kiermen cu tur hende y tur gobierno cu bini, no importa cual signatura, mester pone nan schouder bao di turismo pa lante, pone riba pia y caminda cu e merece y mester ta come e mehor y mas importante pilar di nos economia”, Kuiperi a subraya.

- Advertisement -

DUNA COMENTARIO

Please enter your comment!
Please enter your name here