Home Politica Nos tin e mihor team y e mihor plan pa e siguiente...

Nos tin e mihor team y e mihor plan pa e siguiente gobernacion

2
0
SHARE
- Advertisement -

ORANJESTAD (AAN): Diabierna ultimo lo keda marca den historia pa partido AVP. Durante e evento di entrega di lista pa eleccion 2009 por a mira e apoyo y confianza di pueblo di Aruba for di den tur skina di e isla. Tanto Richard Visser, Paul Croes, Alex Tromp, Juan David Yrausquin y Michelle Winklaar a sali for di Cas di Partido Noord compaña pa e banda musical NBO pa asina trece e ambiente cu ta representa e celebracion di entregamento di e lista di partido AVP.

“Locual nos a experencia tabata algo unico. Riba e ruta tabatin hende cu a sali for di negoshi y for di nan cas cu bandera, sticker, t-shirt di AVP pa demostra nan apoyo y sentimento cu cambio ta na caminda dia 25 di September”, asina Michelle Winklaar a conta despues.

Mas leu el a sigui elabora cu partido AVP a demonstra un dia promer caba cu nan ta e partido mas uni, cu 29 candidato cu capacidad pa hiba e pais aki na unda e mester ta. AVP a sera nan lista den tempo record pasobra nan tur ta cla pa traha pa e pais aki. “Mi ta totalmente convenci cu nos tin e mihor lista cu e mihor candidatonan y nos tin e mihor plan tambe.

Locual nos falta awor ta e confianza total di pueblo pa nos por ehecuta e plan tan desea”, segun Michelle Winklaar a bisa despues di a caba di compaña lider di AVP pa entrega e lista na Conseho Electoral. “Esaki ta un experiencia cu nunca mas lo mi lubida.

Aparte cu mi mester a bula un muraya pa drenta e lugar di entregamento di lista, y tambe a perde mi zapato, e cos cu mi lo corda pa semper ta e sonrisa riba e caranan di hende ora nos a yega pa entrega e lista.

E sonrisanan aki ta confirma pa mi e sentimento di un pueblo cu cambio ta na caminda y…berde t’e cambio”, asina Winklaar a termina bisando cu un sonrisa riba su cara.

- Advertisement -

DUNA COMENTARIO

Please enter your comment!
Please enter your name here