Home Politica Pa Marisol no tin limite den bagamunderia

Pa Marisol no tin limite den bagamunderia

1132
0
SHARE
- Advertisement -

marisolnotinlimi1DIARIO awe ta bin cu un practica di mafia na Sero Colorado cu ta tumando luga na e momentonan aki. Ta parce cu pa Marisol no tin limite den bagamunderia. Esaki no ta pasado pero crimennan cu ta tumando luga awor.

Poco dia pasa un persona cu tabata traha pa Marisol y cu tabata hopi yega na dje a fayece misteriosamente na Colombia. Polis tabata na punto pa aresta e persona aki ora cu el a bay Colombia pa muri eynan.

Ta resulta cu e persona aki tabata empleado di un di e departamentonan di Marisol y cu tabatin un contacto directo y continuo cu Marisol. Su nomber tabata Elio Lopez y LandsRecherche a descubri cu e persona aki tabata bende casnan na Sero Colorado hunto cu Marisol y un tercer partner.

E pruebanan publica aki ta mustra cu Marisol tabata directamente envolvi. Testigonan a declara cu nan a confirma cu e difunto Lopez aki tabatin deal directo cu Marisol riba e benta di e casnan na Sero Colorado.

Hunto cu Marisol y Elio Lopez tabata den e fraude grandi aki un partner cu e nomber Felix Randolph Silva, pa su clientenan Randy. E Randy Silva directamente a haya di Marisol casnan di cumpra den Colony na un manera tipico di fraude (copia di e contrato ta publica ariba e pagina aki).

Aki ta revelando un escandalo ainda mas sushi cu otronan den pasado. E caso cu DIARIO ta publica awe ta un caso cu ta demostra cu di tur sorto di manera Marisol ta manipulando cu propiedadnan di pueblo pa pone su hendenan gana placa y manera ta mustra e ta forma parti directo di tur esaki. Loke ta tumando luga awo ta un sistema di estafa nobo introduci door di Marisol. Ora cu un di esnan complice di Marisol tabata na punto di papia el a fayece bao di circumstancianan mes straño cu e caso di morto di Faro di Laboratorio.

E diseño di e crimen nobo aki ta cu hendenan cu ta desea di cumpra un cas na Sero Colorado mester solicita cerca Marisol prome pa despues sigui un caminda di corupcion. Ariba e pagina aki ta mira e carta cu a worde manda pa Marisol ariba 31 di Maart di e aña aki.

E mesun dia e persona cu ta haci e peticion pa bin na remarca pa cumpra un cas mester firma un contrato cu e complice di Marisol, Randy Silva. Randy Silva cu ta haya e casnan di Marisol ta firma un contrato cu e cumprador cu e lo haya e cas aki pa e cumprador for di Marisol despues cu e cumprador a paga un “brokerage fee”.

Ya na April nos ta mira tambe ariba e paginanan aki cu pago a tuma luga na e complice di Marisol pa haya e derecho di cumpra e cas cu ta den e contrato. E complice di Marisol aki ta haya di Marisol e derecho di erfpacht ariba e cas pa un prijs ridiculamente abao. Mira e contrato entre Marisol y Randy Silva.

E cumprador den e caso cu DIARIO ta publica awe a paga 13000 Florin na Randy Silva pa por cumpra e cas en cuestion. E complice di Marisol ta haya di Marisol e cas y e erfpacht di e tereno di e cas den erfpacht. E complice ta haya e cas en cuestion pa un prijs hopi abao pa despues bende e na un cumprador pa un prijs hopi mas halto.

Ora e cumpradornan a cuminza sospecha cu algo no ta bon e dos cabayeronan ta splica e cumpradornan cu e negoshi ta sigur pasobra un parti di e placa ta bay pa Marisol y nan tabata mustra e cumpradornan cu nan tin contacto continuo cu Marisol. Tin di e cumpradornan cu a acerca Marisol directo y spanta Marisol a cora pa nan .

E proceso segun e documentonan publica aki ta cu e complice di Marisol ta cobra e comision di e cumprador y ta haya e diferencia di e prijs cu el a paga Marisol y e prijs pa cual e cas a worde bendi. Despues e complice aki ta regla cuenta cu Marisol pa “zogenaamd” yuda financia su campaña. E negoshi nobo cu probablemente ta un invento di Marisol mester di un investigacion serio y inmediato.

Ta parce cu LandsRecherche of no a haya tur documento of nan a pone cierto documentonan desaparece. DIARIO ta publica awe e contrato entre Marisol y Andy Silva. Den e contrato aki Andy Silva ta haya un cas na Sero Colorado pa 27.000 Florin y e documento aki tabata worde usa pa convence cumpradornan cu Marisol ta coopera den e bentanan aki. Ta imposibel pa kere cu ministerio publico no ta mira e crimen cu tin den e asunto aki. Ta pesey DIARIO un biaha mas ta keda enfatiza cu e investigacion Hulandes mester bin mas pronto posibel.

- Advertisement -

DUNA COMENTARIO

Please enter your comment!
Please enter your name here