Archivo di August, 2009

Famia a sali keiro y diripiente yiu homber su fuse a bula

Publication: Monday, 31 August 2009. Categoria: Policial

ORANJESTAD (AAN): Na Montaña diabierna anochi central di polis a instrui patruya Noord pa bay atende problema familiar.

E patruya cu a presenta, a resulta cu tata, mama y yiu homber a sali keiro. Durante di keiromento tur cos tabata bay bon, pero na caminda un dado momento a sosode discusion cu a sali for di man.

Yiu homber di e pareha su fuse a bula y a start un pleitamento formal. Polis a intermedia pa trece tranquilidad, pero e yiu homber inicialnan R.A.C. di 31 aña tabata histerico y probablemente e lo por tabata bao di substancia y no tabata comportando su mes.

Un gran ciudadano y accountant a fayece

Publication: Monday, 31 August 2009. Categoria: General

ORANJESTAD (AAN): Un bida largo a bisa ayo. Un pilar fuerte den nos comunidad a doblega pa descansa den brasa di Señor na e bunita edad di 91 aña. Su imprenta di pia ta keda marka ariba diferente tereno: Su profesion di accountant e a eherce cu orguyo y dignidad.

Su sentido pa equidad (justicia) tabata asina halto cu e a yama su oficina di administracion y incasso ‘Equidad’; oficina cu el a maneha pa mas di 20 aña. Prome cu esei, den e mes ramo di accounting e a traha pa mas cu 25 aña na firma Jan C. Lacle N.V. na Santa Cruz.

Tremendo acogida pa tas duradero cu Michelle a parti den fin di siman

Publication: Monday, 31 August 2009. Categoria: Politica

Michelle WinklaarORANJESTAD (AAN) – Matutino DIARIO a entrevista señora Michelle Winklaar, candidato number 7 riba lista di Partido di Pueblo Arubano “AVP”, ken a pasa den fin di siman na diferente supermercado pa parti tas pa haci compra.

Esaki a sosode tanto na Playa como na San Nicolas unda por a mira e candidato conversa cu diferente persona mientras e tabata parti e tas.

Michelle a comenta cu el a haya hopi atencion pa e tasnan den e supermercadonan cu el a bishita y e ta kere cu hopi hende ta aprecia cu nan por bay haci compra cu un tas di un material duradero, cu no ta di plastic, y esey tabata e idea tras di e proyecto aki.

Analisis Politico: “Horible…”

Publication: Monday, 31 August 2009. Categoria: General

analisis_politicoORANJESTAD (AAN): Horible, horible loke Nel Oduber a haci cu nos pueblo y muy en particular cu e empleadonan di Valero y tur e contratistanan cu tabata traha den Valero. Nel Oduber y Nel Oduber so ta responsabel pa e drama cu ta pasa over di nos isla. Valero a bay pasobra nos tin un prome ministro cu solamente tabata wak e interesnan di su hendenan. Na tur por lo menos 6000 hende a perde trabao.
Horible un biaha mas pasobra esaki ta directamente y unicamente e falta di Nel Oduber. Na Februari 2007 Valero a propone gobierno di Nel Oduber pa e kita e BBO y pone un winst belasting y Valero a inverti 1 biyon Dollar den e planta pa renobe completamente.

Nel ta sera refineria atrobe

Publication: Saturday, 29 August 2009. Categoria: Politica

valeroORANJESTAD(AAN)— Valero den su ultimo memo na su empleadonan a anuncia cu mirando e desaroyonan nan a dicidi cu nan lo continua e shutdown di e refineria indefinitivamente.

Esaki ta un sla inmensamente duro pa nos isla y ta directamente e resultado di mal maneho di e gobierno di MEP. Dos aña pasa Valero a ofrece gobierno pa inverti dos biyon dollar pa renoba e planta completamente pa asina por tin un refineria pa hopi tempo mas.

E oferta tabata encera cu e gobierno mester kita e BBO for di Valero y na e mesun momento elimina e tax holiday cu Valero tin y introduci un winstbelasting pa e compania. Valero lo garantiza gana of perde placa pa en todo caso paga entre 40 pa 50 miyon florin pa aña.

Accidente serio na Sero Tijshi diabierna merdia

Publication: Saturday, 29 August 2009. Categoria: Policial

accitaishi1ORANJESTAD (AAN): Un accidente basta serio a sosode riba e caminda grandi di Playa pa San Nicolas.

Un chofer a keda gravemente herida despues cu su auto a bolter y ranca dos palo di luz. E velocidad cu e auto tabata bay direccion pariba mester tabata uno hopi halto si mira e resultado di e desgracia.

Un auto cu tambe tabata bay pariba a medio purba pasa un truck y na dado momento e auto accidente cu parce tabata bin di patras cu velocidad halto a perde control purbando di kita. Su velocidad halto a pone cu el a baha caminda na man robez y bolter masha mahos pa finalmente keda pega riba e palo di luz.

Bandera di Hulanda cabez abao na parlamento di Aruba

Publication: Saturday, 29 August 2009. Categoria: General

banderarobezORANJESTAD (AAN): Algo asina por pasa solamente ora cu bo ta duna ken cu ta trabao y cu no conoce sikiera e bandera di nos madre patria Hulanda.

Riba e foto aki por mira con a lanta e bandera di Hulanda na parlamento di Aruba. Na lugar di mustra e respet a mustra mas bien e falta di respet. Un bandera cu a worde lanta for di mainta trempan y cu atardi 2or ainda esaki tabata asina.

Hopi yamada DIARIO a haya pasobra te hasta e hulandesnan cu ta di vacacion na Aruba a keda babuca di mira cu un partner den reino no sa cu e bandera ta Rood, Wit Blauw y no Blauw, Wit, Rood.

Marisol na punto di worde aresta?

Publication: Saturday, 29 August 2009. Categoria: Politica

PolicialAyera Marisol a pone avisonan grandi den tur corant na Aruba splicando esnan cu por tabata envolvi den su escandalo cu esun cu ta paga personanan cu no ta departamentonandi gobierno sumanan di placa pa haya cas na Sero Colorado por ta mes castigabel cu esnan cu ta bendiendo e casnan. Marisol a cuminza sinti cu e caso aki ta otro cu e terenonan grandi cu e a yega di duna na su inversionistanan. Aki ministerio publico tin hopi mas dificultad pa no persigui e Ministro.

Un biaha mas DIARIO kier duna e detayenan di e complot di Seroe Colorado. Marisol a mira negoshi den benta di e casnan na Seroe Colorado y a dicidi di bira partner cu un di su empleadonan den gobierno.

No a traha ningun raport pa drechamento di Colegio Arubano

Publication: Saturday, 29 August 2009. Categoria: General

colegio arubanoORANJESTAD (AAN): Atrobe, un biaha mas, Minister di Enseñanza y di hopi otro cartera, ta bolbe pega barco ora cu e ta emiti un comunicado di prensa señalando cu Colegio Arubano San Nicolas ta worde drecha cu Placa di Plant NV.

Relaciona cu esaki, segun Marisol, na aña 2006 Parlamento di Aruba a logra pone un suma di 2.6 miyon Florin pa loke ta renobacion y mantencion di Colegio Arubano.

Segun acuerdo den Parlamento, 540 mil Florin lo a worde aloca pa drecha e problema cu tabata tin ora di awacero na Colegio Arubano Playa y tambe pa drecha e tereno di school.

Opanan ta disgusta cu e declaracion di Nel den nan direccion

Publication: Saturday, 29 August 2009. Categoria: General

ORANJESTAD (AAN): Segun hopi di e grandinan cu ta gosa di pension ta sinti nan mes hopi ofendi cu e palabranan cu Nel ta usa den nan direccion. Cada biaha cu nan habri nan boca nan ta ser ofendi door di Nel cu su palabranan fuera di lugar.

“Acaso nos como grandinan cu a traha duro pa hiba e pida baranca aki padilanti no tin derecho di habri nos boca y bringa pa nos derechonan?”

Nel Oduber a lubida cu e tambe ta Opa, e tin 62 aña y hasta nieto e tin. Nel a lubida cu awendia cu e ta gosa di un pension barbaro cu e no mester lubida, kendenan a yude cu awe e ta gaba cu e tin mas tanto aña den politica? Nel a lubida di unda e ta bin?

PDR ta exigi pa pone destaho publico di waf na barcadera on hold

Publication: Saturday, 29 August 2009. Categoria: Politica

PDRORANJESTAD(AAN)– Na ultimo ora a ricibi un comunicado di Democracia Real den cual nan ta bisa cu Democracia Real (PDR) a tuma nota di e boletin cu Sr. Parish a manda pa trahadornan di Valero, informando nan cu e Refineria a sera indefinidamente, te ora haya otro comprador of condicionnan di Mercado mehora.

E posicion tuma pa e refineria a cuminsa costa nos trahadornan nan trabao.
A base di un strategia di desaroyo di San Nicolas cu Democracia Real tabata preparando, como un scenario di rescate di San Nicolas, den caso cu Refineria sera definitivamente y no tin otro compania interesa, PDR ta lanza un peticion urgente pa para tur decision di destaho publico of plannan di muda waf pa Barcadera, te ora cu e ultimo esfuerzonan ser hasi pa rescata e refineria di un ciere definitivo.

Conseheronan MEP ta desaconseha Nel Oduber pa haci otro parada

Publication: Saturday, 29 August 2009. Categoria: Politica

mepORANJESTAD (AAN): Segun informacionnan ricibi e conseheronan politico di Nel Oduber y di MEP ta desconsehando e partido pa haci otro parada. Berdad cu MEP tabata hopi entusiasma cu e parada cu nan a organiza prome cu entrega di lista, pero ora cu nan a mira e parada di AVP nan no por a kere nan wowo.

Tabata pa MEP no solamente un shock mortal di e grandura di e parada, pero e cantidad di hendenan y autonan cu tabata para banda di caminda pa saluda e parada. Si tur e autonan aki a subi caminda, Aruba su careteranan no por a carga nan.

Turbo rotonde wayaca a yega su fase final

Publication: Saturday, 29 August 2009. Categoria: General

turborotond1ORANJESTAD (AAN) – Matutino DIARIO a entrevista Ing. Jossy Kock, lider di e proyecto “turbo rotonde” di Wayaca, pa un biaha mas e duna informacion relaciona cu e trabaonan aki y ki dia e lo keda cla pa habri.

Ing. Kock a comenta cu for di momento cu nan a cuminza cu e construccion di e turbo rotonde aki, nan a confronta cu hopi dolor di cabes, specialmente e parti cu ta toca utilidadnan cu tin bao di caminda.

El a señala cu hopi hende a critica e aspecto aki pasobra nan a bisa cu trabaonan no ta tumando lugar, locual no ta e caso, sino cu ora di traha cu cable y linea di utilidad bao di tera, mester hacie cu cautela debi cu nan ta den funcion y si daña nan, lo por manda un bario completo for di servicio, locual nunca tabata e meta di e trabao aki.

Hacimento di politica na school dununman

Publication: Saturday, 29 August 2009. Categoria: Politica

ORANJESTAD (AAN):— E Director di Stichting voor Verstandelijk Gehandicapten Aruba (SVGA) ta aclarea tocante polemica encuanto hacimento di politica na school Dununman.

E ultimo dianan ta sali diferente articulo tocante school Dununman den prensa. Tin informacion corecto y incorecto. E director ta spera cu e articulo aki lo trece claridad ariba e polemica aki.

SVGA ta un fundacion cu ta consisti di 6 departamento cu ta duna cuido. Di e 6 departamentonan aki 5 ta duna cuido y ta worde financia pa Ministerio di Bienestar Social. school Dununman ta worde financia pa Ministerio di Enseñansa.

5KM Boton Fun Run/Walk

Publication: Saturday, 29 August 2009. Categoria: Deporte

kilometro2ORANJESTAD (AAN) — Dia 29 di Augustus lo tuma lugar e di 5 Boton FunRun/Walk organisa pa ARRUWAC. E anja aki tin un cambio caminda e aktividad ta cuminsa y termina pabou di Macuarima School, dilanti e mini-market chines. E resto di e ruta ta keda mescos cu e añanan anterior, algo mas cu 5Km, lo bay direccion Boton, Maria Mai, San Fuego, Warawara y termina bek dilanti e mini-market chines.
E ta un ruta hopi trankil, no mucho trafico, caminda por disfruta tambe di nos bunita naturalesa y tambe un ruta cu tin dos pa tres subida cu ta reta e participante y atletanan pero cu lo judanan den mehoracion di nan condicion fisico.