Archivo di August, 2009
ORANJESTAD (AAN)— E ora “zero” ta yegando pa algun team den e candeloso torneo Coors Light Blackball! Den Smooth Billiard Zone, e weekend aki lo tin un encuentro di “un pa tera un pa lama”!
Diabierna anochi lo tin un wega mas bien pa honor, esta “Wild Sharks” vs “Tumazu”, pero Diasabra anochi e tabla lo bay bula den e emocionante encuentro entre “Technicos La Moderna” y “J&J Jaws”, ambos equipo tin 3 punto total y “Technicos” mester, pero mester gana nan wega pa ainda keda cu nanishi ariba awa, mientras si “J&J Jaws” gana e wega aki nan ta klaaaa!!!
ORANJESTAD (AAN): Awe e contrato di cardiologo Casper lacle y AZV ta termina. Esey nifica cu si Dr Casper Lacle no firma cu IMSAN e lo no tin entrada.
Di otro banda ya caba gobierno tin dos cardiologo stranhero cla pa tuma e pacientenan di Dr Casper Lacle over. DIARIO tin informacion cu Dr Casper Lacle lo no firma awe mientras cu e mandatario a laga sa cu awe ta e deadline. Buscando mas informacion a bin compronde cu e contrato entre IMSAN y AZV no ta cla ainda.
ORANJESTAD (AAN): Tabata Diahuebs mainta, cu yamada di auxilio a drenta di un lancha, cu tabata yenando cu awa e momento ey, na un distancia di 100 kilometer pariba di Aruba.
Guardacosta di Aruba y Antiyas, cu e centro di rescate y coordinacion (RCC) tambe a haya e yamada ey, y ta mustra cu e lancha mas bien ta 7 miya zuid di Annabaai na Curacao.
Tabata 8’or di e may-day a drenta, y e ta procedente di e lancha “Carmen Reinelly” di Venezuela, cu tabata cuminza sink e momento ey.
ORANJESTAD (AAN): Su comportacion ultimo dianan riba caya, y tambe den algun lugar no tabata esun mas ehemplar.
Kico exactamente a socede, no ta conoci, pero denuncia di menaza tin contra e conocido Patrick van der Eem, un persona naci na Curacao pero biba na Hulanda, y cu a bira mundialmente famoso pa su entrevista di hidden-video cu Joran van der Sloot. El a keda deteni na un Highrise Hotel, y pa colmo den su poder a haya droga tambe.
Diahuebs mainta el a presenta dilanti Huez Comisario, kende a revisa su folder di detencion, e acusacion, y e proceso di interogacion. Como cu tabata un dia hopi pisa pa Corte, a dicidi cu ta prolonga cu detencion cu 8 dia, pa interogacion por sigui.
ORANJESTAD (AAN): Tin indicacion cu alarma a sona den madruga, y security a bay… pero ningun hende a mira algo. Gerencia tampoco no a presenta.
Pero mainta trempan ora un empleado femenino a yega pa habri e lugar, a bin nota cu e oficinanan den Warehouse di Antraco Aruba a haya bishita indesea. Tur lachi y cashi a keda habri y plama.
Tirando un bista rond, a mira un buraco den e muraya parti patras di e Warehouse. Asina a pone gerencia y polis na altura.
ORANJESTAD (AAN): Recientemente nos por a tuma nota cu contrincantenan politico ta usa como maniobra pa desvia atencion di problematica real cu nos tin na Aruba, e concepto di autonomia. Aruba ta confrontando retonan grandi, cu merece atencion awor. No mester usa sentimento y informacion robes pa kita atencion for di e situacion actual.
Mester comprende cu autonomia no ta nifica cu bo tin a derecho di haci locual bo kier of goberna pa algun so, y no pa henter un isla. Autonomia no ta dunabo e derecho di dicidi sin consulta of respeta reglanan vigente. Aruba ta forma parti di comunidad internacional cu tambe ta mara na reglanan y leynan internacional.
Ayera DIARIO a publica e acuerdo cu tabatin entre Marisol y un di e partnernan den e escandalo di Sero Colorado. Marisol a bin keha cu den campaña ta bin cosnan cu no ta berdad y un di e cosnan lo ta e fraude na Sero Colorado. Ta pa refuta esaki pertinentemente DIARIO ta publica e fraude aki den su detayenan.
E acuerdo cu a worde publica ayera no ta laga caminda pa duda. Marisol a bende Silva, su partner, un tereno y cas na Sero Colorado pa 27.000 Florin. E mesun acuerdo aki Silva tabata usa pa mustra su clientenan cu e tin contacto directo cu Marisol y cu Marisol tabata duna tur cooperacion den e escandalo aki. Berdad ta cu un di e partnernan a muri net prome cu e tabata di bay splica henter e complot.
ORANJESTAD (AAN): Fundacion Cas pa Comunidad Arubano, e unico institucion cu ta maneha riba e ramo di vivienda social ta sigui implementa su plan pa por hisa e calidad di bida den su barionan.
Fuera cu FCCA ta otorga fianza hipotecario pa e ciudadano por construi su propio cas y tambe ta construi vivienda social pa esnan di menos recurso, e fundacion ta hiba un maneho den e proyectonan di vivienda pa hisa e calidad di bida di e habitantenan.
ORANJESTAD (AAN)— Na mesa di redaccion di Diario Deportivo a yega un carta cual ta dirigi na tur miembronan di Aruba Volleyball Association y specialmente na e miembronan damas pa participa den e K.O di volleyball femenino. Siguientemente nos ta presenta e contenido di e carta aki:
“Na Miembronan di Aruba Volleyball Association Aruba.
Attn. Coach/trainer di: Gazelles, Britannia, La Fama, American Homes Volvox, Noord Country Club, The Rose.
E noticia a bin y dal manera un baño di awa frieu. Valero a laga sa Diaranzon merdia, cu nan lo stop mesora cu trabaonan di mantencion cu diferente Contratista ta ehecutando den e refineria na San Nicolas, y lo bay mantene e status di “shut-down” pa un tempo indefini.
Pabien Nel! Esaki a bira un otro logro pa bo! Ademas, el a bira e di dos biaha cu di berdad MEP ta conoce un cierre di refineria bao di su gobernacion! Cualkier hende cu bisabo un otro storia, bo sa mesora cu esey no ta berdad!
ORANJESTAD (AAN): “For di tempo di ATIA mi a bisa cu e forma con e proceso di otorgamento di e proyecto aki ta bayendo ta robez y keto bay mi tin e mesun opinion”, asina Juan David Yrausquin a bisa ayeramainta durante un conferencia di Prensa di Partido AVP.
E candidato number 29 riba e lista berde a splica cu e ta den posicion di documentonan cu ta prueba cu Gobierno di antemano caba a scohe cua grupo lo haya e proyecto aki, pues henter e asunto di destaho publico no ta cuadra.
ORANJESTAD (AAN): Despues cu por a tuma nota di e partida di Carnival Cruise Lines, e partida di KLM, e reduccion di vuelonan di American Airlines, awor tambe e existencia di e refineria na Aruba y nos industria petrolero ta na punto di worde extingui bou di un gobernacion deficiente di MEP, Mike de Meza candidato number 3 di partido AVP ta indica.
E ta splica cu e unico cu lo ta culpable si e refineria na Aruba mester cera su portanan ta e gobierno di MEP bou liderazgo di sr. Nelson Orlando Oduber.
ORANJESTAD (AAN) – Rudy Geerman, presidente di Federacion di Trahadornan di Aruba (F.T.A), ayera mainta a duna su declaracion pa prensa relaciona cu e situacion cu ta reina na The Aruban Resorts, debi cu e trahadornan no a cobra nan salario riba e fecha stipula cu ta dia 25, pero nan a worde bisa cu nan no ta haya pago prome cu 31 di Augustus.
Geerman a declara cu esaki ta e di dos luna caba cu ora fin di luna yega, e hotel no tin placa pa paga nan. E situacion a evidencia su mes tres luna pasa cu nan a cuminza paga un of dos dia laat, y luna pasa nan a paga nan dia 31 y na Augustus awor e trahadornan a haya un carta cu nan no por cobra prome cu dia 31.
ORANJESTAD(AAN)—Aña escolar nobo a cuminsa y tur studiante ya caba ta sinta den klas. IDEFRE a prepara y tin cla e calendario deportivo escolar pa aña 2009 – 2010. E competencia deportivo cu ta tuma lugar ta pa scolnan di enseñansa basico y pa scolnan di enseñansa avansa. IDEFRE ta organisa y coordina tur torneo escolar.
Deporte pa Scolnan Basico
Pa e aña escolar 2009 – 2010, team di mucha muhernan di scol basico ta participa na competencia di trefbal, volleybal, futbol, kickbal y softbal. Mientras cu e mucha hombernan ta participa den team na competencia di volleybal y futbol. Pa deporte individual por participa na atletismo, landamento, dam y ahedrez.
ORANJESTAD (AAN)— Hot Triggers Paintball ta informa na tur amantenan di e deporte di Paintball cu e Speedball Field na Parkietenbos lo ta cla pa e weekend aki, dus tur hende ta welcome pa bin basha bala riba e veld nobo aki.
E veld lo bai ta disponibel for di 2’or di merdia caba. Bin experencia e veld mas grandi, awor mester wak kende lo yega 50 di berdad! Spread the word!
