Archivo di August, 2009
DIARIO awe ta bin cu un practica di mafia na Sero Colorado cu ta tumando luga na e momentonan aki. Ta parce cu pa Marisol no tin limite den bagamunderia. Esaki no ta pasado pero crimennan cu ta tumando luga awor.
Poco dia pasa un persona cu tabata traha pa Marisol y cu tabata hopi yega na dje a fayece misteriosamente na Colombia. Polis tabata na punto pa aresta e persona aki ora cu el a bay Colombia pa muri eynan.
Ta resulta cu e persona aki tabata empleado di un di e departamentonan di Marisol y cu tabatin un contacto directo y continuo cu Marisol. Su nomber tabata Elio Lopez y LandsRecherche a descubri cu e persona aki tabata bende casnan na Sero Colorado hunto cu Marisol y un tercer partner.
ORANJESTAD(AAN): Despues di e caso cu Parlamentario Mike de Meza a entama contra e corant di Santa Cruz, DIARIO a entrevista abogado Anthony Carlo kende a representa de Meza, pa haya sa con a bay cu e caso.
Segun Carlo, ta berdad cu e corant a bisa cu nan a rectifica caba, pero e rectificacion no ta loke su cliente tin derecho riba dje.
Ademas di esaki e abogado a splica cu e rectificacion no ta completo.Dia 16 di September huez lo duna su veredicto y pesey Carlo a splica cu e no kier anticipa riba e caso.
ORANJESTAD (AAN): Hulanda ta vigilando desaroyonan rond di eleccion na Ariba hopi di acerca y minuciosamente.Asina fuentenan yega na servicionan oficial na Hulanda a señala coresponsal di DIARIO, Godfried Adem, na Hulanda.
Ta asina cu señalnan cual a yega Hulanda ta hopi preocupante y ta indicando cu lo tin un enorme tension ne momento aki na Aruba pa cual Hulanda a laga esaki worde monitor pa autoridadnan Hulandes staciona na Aruba.
Ta bini acerca cu Hulanda no ta complaciente pa e forma con e lider di partido den gobernacion sr Nel Oduber a bin ta actua ultimo tempo unda cu pa Hulanda te hasta tabatin violacion y metemento den e poder hudicial na momento cu el a kita tareanan y poder di e Halto Comisario di Polis for di esaki.
ORANJESTAD (AAN): Partido MPA semper ta bin cu idea innovative pa por logra yega mas cerca di e pueblo. Den esaki e Lider di MPA, abogado Monica Kock, lo cuminsa cu su mesun programa radial “talkshow” cu ta yama “E Solucion” . Esaki lo tuma lugar riba tur diaranson 8.30 – 9.30 riba Hit 94.
E lider Monica Kock ta splica cu el a dicidi di cuminsa un talkshow mirando e necesidad pa pueblo por comunica cu su persona. Pero mas ainda e programa lo trece hopi informacion pa e radioyente. Informacion ta importante pasobra asina bo por tuma decision correcto den bida. door di falta di informacion hopi biaha un persona ta tuma decision robes. P’esey Monica Kock ta haye importante pa cuminsa e programa radial pa duna conseho huridico.
ORANJESTAD (AAN); Segun Otmar Oduber, un di e retonan mas grandi pa e siguiente gobierno di AVP ta pa logra yena e cambernan di hotel disponibel mas tanto posibel cu turistanan cu ta genera mas entrada cu ta posibel pa nos economia.
Pues contrario na e gobierno actual, nos lo enfoca riba turismo di calidad. Y ta hustamente riba e aspecto importante aki di maneho turistico ta unda AVP tin un mihor “track record” cu partido MEP. Aki bao lo sigui un analisis comparativo di ambos gobierno pa loke ta e calidad di turistanan durante e periodo 1986 te cu 2007.
ORANJESTAD (AAN): Den e prome parti di e comunicado di “Turismo di Calidad” mi a elabora riba e importancia di salvaguardia e entrada cu e industria turistico ta genera door di aumenta e tarifa averahe di cambernan di hotel. Durante e “Tourism and Economic Stimulus Assessment” organiza pa e organizacion mundial di turismo (WTO), nan ta urgi Gobiernonan pa pone turismo como un di e pilarnan principal den cuadro di nan plannan pa stimula un recuperacion economico.
Esaki pasobra cuponan di trabao y negoshinan ta crece danki na un turismo fuerte, mescos ta e confianza den biahamento por tin un impacto positivo den recuperacion economico.
ORANJESTAD (AAN): Tur eleccion MEP ta practica e mes un wega, e unico diferencia ta cu e ta haci esaki den un otro bario of cu otro familia of persona, segun Parlamentario Dowers di Partido AVP.
Awor a toca turno na e casnan di pueblo na Jaburibari. Despues di 14 aña e casnan a worde traha y entrega na e habitantenan. Hopi ta esnan cu a bira lomba pa e gobierno aki nan ta malcontento pasobra cu nan minister a warda asina largo pa haya lus mientras awe diripiente tin lus den e cayanan di e bario.
ORANJESTAD(AAN): Diamars na corte di husticia a tuma lugar un caso sumario cu Parlamentario Mike de Meza a entama contra Solo di Pueblo, pa publicacionnan contra su persona.
DIARIO despues di e caso a puntra de Meza e motibo pa cual el a cuminza e caso, mirando cu segun representantenan di e matutino, Dialuna caba un rectificacion a tuma lugar.
Segun de Meza, un siman pasa Solo di Pueblo a dicidi di hinca algun articulo den corant cu no ta basa riba ningun realidad, cu e unico proposito pa purba daña su nomber y difama su persona.
ORANJESTAD (AAN); Patruya di Polis na Santa Cruz riba Dialuna marduga a worde dirigi pa central di polis pa nan bay atende un muher cu ta haci fastioso na un cas na Balashi.
Polis mientras tanto a presenta na e adres, y agentenan a atende e homber di inicialnan F.G. di 41 aña, y el a declara cu su casa cu kende e no ta biba mas cune mas di inicialnan N.G.T. naci na Peru di 32 aña a presenta na su porta di cas y tabata haci masha fastioso.
Pa colmo segun e version policial e muher ta bao influencia y a bin busca yiu di 7 aña pa bay cune.
ORANJESTAD (AAN): E situacion di hortamento di pertenencia entre otro tas riba beachnan ta tumando lugar keto bay. Pa algun tempo caba tin denuncianan ta drenta cerca autoridad di tanto esnan local y tambe turistanan. Nan ta victima di te ainda ladronnan desconoci cu ta opera na beachnan desde Arashi pa Baby Beach.
Den e dianan aki tin diferente denuncia mas a worde raporta na despacho di polis. Dialuna casi 12’or di merdia, na e beach altura di Marriott Hotel, un turista a bay landa y ora el a regresa na unda el a laga su pertenencia riba beach, nan a somenta. Segun e turista inicialnan D.A. naci na Merca di 49 aña den 20 minuut el a bira victima di ladron!
ORANJESTAD (AAN) – Señor Cornelis Wilson, candidato riba lista di MSI, tambe a toca e tema di AZV den conferencia di prensa, y tambe el a referi na un proposicion cu e ta bay presenta pa pueblo tambe tuma parti den e decisionnan di gobierno.
Pa loke ta regarda AZV el a bisa cu tur partido politico tin den nan programa cu nan tin e solucion pa e problematica financiero di AZV.
Di otro banda el a lesa den prensa cu AZV ta buscando tanto un director general como un director financiero. Sr. Wilson a bisa cu si e partidonan politico tin solucionnan pa AZV, e ta kere cu alomenos nan tin e deber di pone cada un, un solicitante dilanti pa e ocupa e funcionnan cu el a menciona.
ORANJESTAD (AAN) – Varios hende ta reaccionando pasobra nan ta nota cu tur aña gobierno ta laga pasa un capa di asfalt na e caretera di Santa Cruz unda cu famia Croes ta biba, pero tin otro camindanan prioritario cu ta worde completamente neglisha.
Un ehemplo ta e caminda riba Smith Boulevard for di Rotonde Las Americas bin abao. Si bo pasa net dilanti di strand hotel, por mira con e caminda ta zak (ta bay abao) y tin yen di buraco cu ta causa flat tayer den hopi auto, incluso e busnan grandi di Arubus ta zona masha mahos ora nan tin cu pasa riba e buraconan cu tin y no solamente akinan pero den henter e trayecto cu ta bin for di e luznan di trafico na haltura di aeropuerto bin abao.
ORANJESTAD (AAN) – Un remarca interesante a worde haci na DIARIO pa diferente profesional cu a solicita den diferente caminda di sector publico y sector priva, despues cu tabata tin aviso riba vacaturanan habri y cu tempo largo ta pasa sin cu nan haya un contesta ni sikiera pa bisa no of cu den futuro tin speranza pa e solicitante.
E remarca ta riba e hecho cu e Codigo di Etica Laboral, cu aunke kizas hopi hende na Aruba no sa, ta existi, ta bisa cu dunadornan di trabao mester contesta e cartanan di solicitud cu ta drenta cerca nan, no solamente pa bisa un hende cu e ta worde tuma den servicio, pero tambe si e no ta bin na remarca.
ORANJESTAD(AAN): Diamars na corte di husticia a tuma lugar un caso cu Parlamentario Mike de Meza a entama contra e corant Solo di Pueblo y na final di e caso, DIARIO a entrevista abogado Nilo Croes, kende a representa e corant.
El a splica cu algun tempo pasa un articulo a sali den e corant pa cual de Meza a sinti su mes perhudica.De Meza a basa su caso riba dos parti di e articulo.
Uno tabata cu posiblemente Ralph Sanchez a paga ticket pe pa e bay Miami y e otro tabata cu door di declaracion di de Meza, Aruba lo a perde 22 miyon dollar cu Aruba mester a paga Sanchez.
ORANJESTAD(AAN)—Diabierna 21 di AUG na CBN/Noord,OLD PARR DT. ta topa cu OTTLEY`S STARS DT. OTTLEY`S STARS DT.ta gana OLD PARR DT. cu e score di 13 pa 10.Na halftime e score tawata 7 pa 5 pa OTTLEY`S STARS DT.
Na Sportboys Club A.T.C.O. DT.a perde di NOORD STARS”Pizza Hut”DT. cu e score di 13 pa 9. NOORD STARS”Pizza Hut”DT. tawata gana na halftime cu e score di 7 pa 3.
Diadomingo 23 di AUG na Zeerovers BUBALI”La Moderna”DT.a sabi di gana SPORTBOYS”Budweiser”DT cu e score di 13 pa 12.Na halftime BUBALI”La Moderna”DT. tawata gana cu e score di 7 pa 4.
