Home Politica Parada a surpasa 22km caba

Parada a surpasa 22km caba

0
0
SHARE
- Advertisement -

avpparada10ORANJESTAD(AAN)– Faltando ainda gruponan pa sali di Mike Eman, Mike de Meza, Michelle Winklaar, Juan David Yrausquin, na momento cu e cabez di parada a yega na Pos Chikito ayera tardi, e conteo tabata di 22 kilometer for di Cas di Partido.

Esaki tabata un indicacion caba cu e totalidad di e parada lo por ta di un largura di mas di mas o menos 25 kilometer si a sigui cu e conteo e momentonan ey.E publico a mira ayera for di lugar di para wak parada con e caravana a dura 5 ora pa pasa nan dilanti.

Ta tur sorto di nomber a ser duna na e parada, manera “Monstruo Berde, Python Berde, Tsunami berde, Anhelo pa cambio, parada di speranza, Mensahe di speranza , y e awacero cu a cay for di mainta, a ser considera como un bendicion y tambe otronan a califica esaki como “lagrima di tristeza” pa locual Aruba a pasa aden ultimo 8 aña.

Normalmente e paradanan aki di partidonan politico ta pasa sin cu tin e tanto buya cune, pero ayera sin cu tabata tin mester di buya, tabata parce mas bien un celebracion di e pueblo pa a mira e grandi cu e partido AVP ta actualmente y cu speranza cu e partido aki lo trece e cambio tan desea.

Pa hopi hende e parada tabata mas bien un pre-celebracion di e parada di victoria cu nan ta spera despues di dia 25 di september.

AWACERO NO A PARA NADA

ORANJESTAD(AAN)– E awacero cu a cay ayera no a strobe publico di sali di cas pa mira e parada y no a strobe ningun di esnan den e parada. E parada a sigui normal sin cu a tene miedo di lo por haya griep.

Por a hasta mira mamanan cu baby den braza durante e awacero, nos grandinan cu rolstoel sinta trankil dilanti porta di cas den e awa sin ningun preocupacion.

Por a mira cachonan hungando como si fuera nan tambe ta gosando, y den e parada mes e parti humoristico tabata di mira un cabay cu su banderanan di AVP riba un di e trucknan.

Publico a sali cu nan paraplu, stoelnan di plastic y otro materialnan a sali di cas, parasol tabata canto di caminda, y mientras e awa tabata cay gruponan tabata balia.

E parada a pasa cu su musica y radio di autonan tabata riba Canal 90 y canto di e ruta riba e jinglenan por a mira con e pueblo tabata balia.. Tabata como sifuera esaki tabata otro tipo di carnaval.

DAKOTA NO A CONTESTA

ORANJESTAD(AAN)— Straño hopi hende a haya cu net ayera cu tabata tin e parada grandi aki di AVP, un grupo di Mep a dicidi di bay haci campaña den Dakota. Si bay tras di tur e comentarionan cu a tende, nan a keda sin haya e respons cu nan a kere ya cu hopi hende a tene porta cera pa nan, y no a keda contento cu e bishita aki tampoco.

un di e cosnan humoristico tambe durante e parada tabata e basora tras di un auto y aki un di e comentarionan tabata: “cu basora a bari e mepistanan for di Dakota”.

LEYNAN KIBRA PA TOLERANCIA

ORANJESTAD(AAN)— Ayera por a ripara con leynan a wordo kibra pa tolerancia, locual ta pasa cu tur parada di TUR partido politico.

Por a mira pickupnan cu seis te 8 hende den baki, y no sinta tampoco. Varios di nan ta keda para durante e dareda.

Normalmente ta prohibi pa core cu hende den baki y si nan ta eynan mes, ta sinta nan mester ta riba bankinan special.

Tambe por a nota masha hopi motocicleta coriendo sin cu e manehador tin helm bisti. Otronan cu pasahero riba e motocicleta y tanto manehador coo pasahero coriendo sin helm bisti.

For di auto por a mira hendenan cologa na bentana cu mitar curpa afo, y esaki tambe cu e double-cabin y SUV nan, pero durante paradanan asina esakinan ta keda invisible.

Hopi tolerancia ta tuma lugar y pa e paradanan aki, no tin ley di trafico.

- Advertisement -

DUNA COMENTARIO

Please enter your comment!
Please enter your name here