Home Politica Partido AVP a entrega lista victorioso

Partido AVP a entrega lista victorioso

19
0
SHARE
- Advertisement -

avpmasanan1ORANJESTAD(AAN)— Partido AVP a entrega su lista di victoria diabierna ultimo. For di tur dirección sostenedornan di e partido a bin demostra nan sosten pa e lista berde pa eleccion 2009. For di banda di 12:30 di merdia caba tabata tin un multitud grandi di sostenedornan, specialmente esnan di pariba di brug presente den vecindario di retonde “Las Americas”.

Despues for di pabou di L.G. Smith Boulevard, sostenedornan di parti pabou di Playa a aglomera dilanti di Talk of the Town. E multitud grandi tabata spera e yegada di e multitud biniendo for di Vondellaan.

E caminda aki a keda totalmente berde di cuminsamento te final. Loke tabata mas evidente tabata e entusiasmo di e sostenedornan berde ta esnan cu lo trece e cambio asina necesario pa nos pais.

Hopi di nan tabata papia di e cambio na caminda y cu ta e partido berde. E canto cu por a tende den henter e parada di sostenedornan tabata, “Berde di Mes, Berde t’e Cambio”.

E animo pa trece e cambio ta algo cu e sostenedornan di partido AVP ta convenci di dje y nan a mustre tambe cu nan comportacion.

Ora e masa berde for di Vondellaan a topa e multitud berde sperando nan dilanti di Talk of the Town y retonde “Las Americas” e masa grandi a sigui pa Club Havana, na unda e instancia cu ta reglamenta y maneha eleccionan na Aruba a organisa entregamento di listanan politico.

Presidente y Vice-Presidente di Electoraleraad, sr. Hubert Maduro y Sr. Florencio Wernet, hunto cu Sra. Sharina Luidens di oficina di Bevolking, a ricibi e lista victorioso di e partido berde, pa eleccionan 2009 for di man di lider di AVP, Mike Eman y delegado di AVP sr. Pedro “Eddy” Croes.

Publico presente cu masha animo a mustra nan entusiasmo una bes cu e lista a wordo entrega. Miembronan di prensa, siguientemente a aserca e candidatonan di e partido berde pa algun palabra relaciona cu e evento aki cu a mustra masha grandi mes, di parti di e partido berde.

Na final, sostenedornan saliendo for di Club Havana a sigui pa Cas di Partido di AVP pa celebra e dia aki cu pa hopi ta indica e ultimo etapa di campaña 2009.

- Advertisement -

DUNA COMENTARIO

Please enter your comment!
Please enter your name here