Polis a intermedia atrobe

ORANJESTAD.(AAN): Den Caya Fransebloem diasabra, patruya di Noord a wordo dirigi pa atende problema. Parce cu dos grupo di mucha homber lo tabata cla pa basha golpi riba otro.

Polis nan cu acudi a topa cu varios persona cual por a conclui cu e confrontacion aparentemente lo tabata tin di haber cu hortamento y asunto di marihuana.

Na e sitio segun e version policial, un señora a sali cuminsa grita y bisa cu e no sa pakico polis a bin ya cu nan no ta hasi nada tog.

Na e cas tur ora e ta yen di hende y cada vez ta pleitamento so tin. Polis a hala atencion di esnan concerni y a recomenda nan pa drecha nan bida.

Esnan cu tin keho of kier pone polis na altura di un que otro libremente por pasa na warda entrega denuncia oficialmente.