Home Politica Presion di Nel pa show ilegal di vuurwerk na Brazil por sigui

Presion di Nel pa show ilegal di vuurwerk na Brazil por sigui

3
0
SHARE
- Advertisement -

ORANJESTAD(AAN): Nel ta sigui comete actonan contra ley door di duna contra tur regla permiso pa un show di vuurwerk na e actividad di Booshi.

Un cantidad di hende lo tabata presente y loke Nel a haci ta mas bien pone un bom riba e bishitantenan. Un bon cu por bay robez pasobra contra tur seguridad el a exigi pa top di DOW saca vuurwerk for di Wela pa asina e show por sigui na cas di Booshi.

Te hasta Marisol tabata envolvi y na final Nel mes a yama y exigi pa saca vuurwerk. E peticion pa show a yega lat. Naturalmente pa MEP no tin regla.

Algun dia pasa algo similar parce a sosode cu un candidato di AVP y nan a nenga pa e haya permiso pa un show. Polis tambe lo ta malcontento cu e barbaridadnan aki pasobra tipo di abusonan asina ta MEP so ta comete nan.

E poder ta pone cu nan ta trapa tur regla cu tin treciendo tur sorto di peliger pa e vecindario. Kico Nel lo bisa si algo bay robez? E lo keda responsable pa cualkier bida di hende cu worde ranca cu un show cu el a presiona pa tuma lugar?

E lema di MEP cu “Nos Si Por Abusa Mas” ta keda na vigor te hasta den campaña di 2009. DIARIO a busca tur manera di haya e persona encarga cu e asunto di vuurwerk na DOW pero tabata imposibel haya contacto cune.

Asina mes e vuurwerk a worde saca for di Wela pa e show ilegal cu bendicion di Nel lider di MEP.

- Advertisement -

DUNA COMENTARIO

Please enter your comment!
Please enter your name here