Home Politica Projecto di waf ta un excusa pa comete corupcion

Projecto di waf ta un excusa pa comete corupcion

14
0
SHARE
- Advertisement -

ORANJESTAD(AAN)– “Un proyecto unda cu for di principio caba tur hende sa kende ta haye, no ta uno Husto”, asina Juan David Yrausquin a comenta riba e declaracionnan haci dor di Parlamentario Ady Thijsen di MEP.

E ultimo aki a ataca Juan David Yrausquin durante e conferencia di prensa semanal di partido MEP relaciona cu su resistencia contra e proyecto dudoso di mudamento di waf di Oranjestad pa Barcadera.

Juan David Yrausquin di partido AVP a bisa di ta contento cu Ady Thijsen di MEP a trece e critica aki dilanti, ya cu e proyecto aki ta un ehempel palpable di e motibonan di con el a dicidi di drenta arena politico.

Segun e politico hoben, e ta para pa un Aruba Husto y duradero, dos componente cu ta carece den e proyecto aki di mudamento di waf.

Juan David Yrausquin di partido AVP no ta considera e proyecto aki Husto pasobra prome cu a otorga e proyecto ya caba Gobierno a priminti tres compania Spaño e proyecto di maneho di crucero esun di carga y esun di real estate. Pues, no por papia di un maneho transparente y di igualdad pa tur interesado.

Aki ta trata di un proyecto di cientos di miyones di florin na unda no tabata y no tin intencion di un maneho transparente. Aki ta ley di trek ta manda y tur hende sa kende ta esunnan envolvi cu e proyecto aki, e mesun hendenan cu ta pretende di para pa un cambio den MEP, e mesun hendenan cu ta beneficia mas hopi di e gobierno actual y e mesun hendenan cu ta defende corupcion comosifuera ta algo normal.

E proyecto aki no ta Duradero pasobra pa hustifica e mudamento, Gobierno ta mare na mas camber di hotel, mas condominium, mas casino y mas shopping mall siendo cu esaki no ta beneficia nos ciudadanonan. E ultimo 8 aña e cantidad di camber di hotel a crece cu mil, mientras e entrada real di cada persona na Aruba a cay di un average di 32 mil florin pa 30 mil florin pa aña.

E bolo economico berdad a crece pero e cantidad di pida a crece mas hopi, dor di esaki e pidi bolo cu cada hende ta haya a bira mas chikito.

E desaroyo di mas hotel, mas condominium, mas restaurant y mas tienda no ta na beneficio di e pueblo Arubano.

Fuera di e mil camber cu a crece den e ultimo añanan, Gobierno a duna permiso pa 6 mil camber di hotel y condominium mas. Estudionan haci ta mustra cu si sigui riba e trend aki, na aña 2025 nos isla lo consisti di 275 mil habitante. Algo cu den opinion di Juan David Yrausquin y AVP simplemente no por riba un isla di 30 km largo y 8 km hancho. A bira ora pa nos considera nos yiunan y yiu di nos yiunan ora nos tuma decisionnan manera esun aki.

Juan David Yrausquin di partido AVP a enfatisa cu Curashi ta precisamente locual cu Ady Thijsen di MEP no tabatin pa para e desaroyo negativo aki. E sa masha bon cu henter e procedura con e proyecto aki a bay no ta cuadra cu reglanan normal di etica comercial ni di bon gobernacion.

Pero, ora cu gremionan sindical y comercial a pidi un audiencia cu Parlamento pa por splica nan puntonan, Sr. Ady Thijsen tabata un di nan cu e scoge pa interes personal y interes di partido envez di scoge pa interes di Aruba y su ciudadanonan.

E mesun falta di Curashi y Integridad aki a haci cu Parlamentario Adi Thijssen no a para firme ora cu e la cuestiona maneho di su propio colega Minister Marisol Lopez Tromp ora cu Adi porfin a ripara cu e maneho aki tabata uno Inhusto y Corupto.

Tur e preguntanan cu e la haci durante e reunion di Parlamento a keda sin contesta y e mesun maneho a continua pa e añanan siguiente. Parlamentario Adi Thijssen y su coleganan a y ta sigui demostra cu pa nan Aruba no tan a prome lugar, sino interes personal y esun di partido.

Meta di Juan David Yrausquin ta pa haya sosten di pueblo pa asina e por eherce e funcion di un parlamentario critico cu tin Curashi pa percura pa un Aruba mas Husto y Duradero.

Principionan manera ley pa un ley pa tur (Husto) y cu bo ta pensa riba nos yiunan y yiu di nos yiunan ora bo tuma decisionnan (Duradero) ta topiconan cu den su opinion mester di atencion di un Gobierno cu Vision y di un Parlamento critico cu ta traha na interes di Aruba.

Juan David ta bisa cu Curashi lo ta e gasoline cu lo fuel su motor pa asina logra e meta aki. Curashi pa porfin pone Aruba na promer lugar!

- Advertisement -

DUNA COMENTARIO

Please enter your comment!
Please enter your name here