Home Deporte Resultado di 35+ di Diasabra 15 Augustus 2009

Resultado di 35+ di Diasabra 15 Augustus 2009

2
0
SHARE
- Advertisement -

futbol1 ORANJESTAD (AAN)— Diasabra ultimo a continua e campeonato di FEDEVETA den e categoria di 35+ tanto ariba tereno di Dakota como ariba tereno di Caiquetio.Na Caiquetio nos tin e siguiente resultadonan:

Den e prome wega Teachers no por a sera 8 hungador y automaticamente ta perde e wega pa default contra di Caravel 0 – 2.

Den e di dos wega Nacional ta haya 3 punto mas derotando Tanki Leendert cu e score di 2 – 0, Olmedo Arango a percura

pa tur dos gol.

Den e di tres partido Bubali ta derota S.C.A. 2 – 0 cu golnan anota pa Robert Figaroa y Jairzinho Tromp y por ultimo e dos bisiñanan Arusur y CDRA a dicidi di keda bon amigo y a parti e puntonan empatando na 1 gol pa banda. Pa Arusur a score Blademir Quintero y pa CDRA a score Luis Valderrama.

Na Dakota e hobennan di Hooiberg a empata cu Toke La Fama cu e score di 1 gol pa banda. Pa Hooiberg a score Holman Palacio y pa Toke La Fama tabata Lesley Felomena.

Den e di dos wega Inter ta saca revancha ariba Maritimo derotando esakinan cu e score di 3 – 0. Juan Huguett a percura pa 2 gol y Higinio Thielman a score e otro gol.

Y den e ultimo wega Jong Brazil y Barcelona tambe ta keda empata na 1 gol pa banda. Pa Jong Brazil a score Juan Koolman y pa Barcelona a score Nelson Flanegin.

Nota Importante:

Por fabor tuma nota cu e weganan di Diasabra awor 22 Augustus 2009 den categoria di 40+ cu lo mester a tuma lugar na tereno di San Luis a ser cambia pa tereno di Estrella y oficial di tereno ta sr. Roy Croes di Barcelona, secuencia y orario a keda mescos.

- Advertisement -

DUNA COMENTARIO

Please enter your comment!
Please enter your name here