Home Deporte Resultado di 40+ di Diasabra ultimo y weganan pa awe Diaranson

Resultado di 40+ di Diasabra ultimo y weganan pa awe Diaranson

1
0
SHARE
- Advertisement -

fedevetaORANJESTAD (AAN)— Diasabra ultimo a continua e campeonato di FEDEVETA den e categoria di 40+ tanto ariba tereno di Estrella como ariba tereno di Caiquetio.

Na Estrella den e prome wega Barcelona ta derota Jong Brazil 2 – 1 cu golnan di Richard Flanegin y Richard Gomez. Pa Jong Brazil a score Charly de Palm.

Den e segundo encuentro Sport Boys ta derota Phoenix cu e score di 3 – 1. Pa Sport Boys a anota Jui Fuentes, Alejandro Vasquez y Julio Werleman mientras pa Phoenix a score Adri Martilia.

E di tres partido a bay entre Nacional y Atletico y Nacional no a tene compacion cu Atletico y a derotanan cu e score abulta di 8 – 0. E golnan a ser anota pa Segundo Basauri cu 3 gol, Guillermo Guerra cu 2, Juan Sevillano cu 2 y Javier Ochoa cu 1 gol.

Den e ultimo encuentro na Estrella e jovennan di Inter ta dal Roma 5 – 1. Pa Inter a score Rafael Vanegas cu 3 gol, Oscar Shilta y Juri Suarez cu 1 gol y pa Roma a score Shensley Geertruida.

Na veld di Caiquetio, Maritimo a gana Arusur 4 – 2 cu golnan anota pa Orlando de Weever cu 3 gol y Rene Cuartas cu 1 gol, mientras Andre Misiedjan a score tur 2 gol pa Arusur.

Den e di dos partido di atardi Hooiberg a gana for di Bubali 2-1 cu golnan anota pa Carlos Martinez y Sigmund Maximiliano y pa Bubali a score Vito Ridderstaat. Mientras den e di 3 partido S.C.A. y CDRA a parti punto empatando na 0 gol pa banda.

Den e ultimo partido, Caravel a suta Teachers 7 – 0 cu golnan anota pa Lorenzo Loopstok cu 3 gol, Richinel Maduro cu 2 gol, Roy Helder y Hernan Gonzalez cu 1 gol.

Directiva di Fedeveta kier a gradici e refreenan David Cruz, Lucho Zambrano, Vito Ridderstaat, Ernest Mohamed, Erwin Helder, Mando Boekhoudt, Carlos Rubio y Fan Dijkhoff kendenan un biaha mas a sa di duna nan maximo pa dirigi tur e 8 partidonan cu a tuma lugar.

Pa Diaranson awor, 26 di Augustus 2009, liga 40+ ta continua ariba e siguiente terenonan;

Na Caiquetio pa 7:00: Roma vs S.C.A. y pa 8:15 Caravel vs Barcelona.

Na Sport Boys pa 7:00: Inter vs Hooiberg y pa 8:15 Sport Boys vs Bubali.

Na Dakota pa 7:00: CDRA vs Arusur y pa 8:15 Toke La Fama vs Atletico

Na R.C.A. pa 7.00: Teachers vs Maritimo y pa 8:15 Nacional vs Jong Brazil.

Tene cuenta cu e weganan di Diaranson awor 26 Augustus 2009 programa na San Luis a ser cambia pa tereno di Dakota.

- Advertisement -

DUNA COMENTARIO

Please enter your comment!
Please enter your name here