Home Politica Sa Bislip ta wordo cori y Kenneth Jong ta sali di parlamento

Sa Bislip ta wordo cori y Kenneth Jong ta sali di parlamento

3
0
SHARE
- Advertisement -

Nel a manda Arondino Croes regla su asuntonan y coleganan ta fada di su canibalismo

ORANJESTAD(AAN):–Segun coleganan di Kenneth Jong e no ta desea di bai proximo eleccion pasobra nan lo usa tur material di pasado contra dje tempo cu el a kima sunu panort di California Dunes na Westpunt. Ya caba algun luna e ta buscando un lugar bek den enseñanza pero como cabezante di school.

Den fin di siman tin información a sigui drenta cu contrario na Kenneth Jong cu ta bai riba su mes, tin tambe Sa Bislip cu a haya un cabez di boto den parlamento y aunke ta insisti pa bai un eleccion mas tog nan mes ta core cune.

Esey ta prome cu eleccion nan lo core cu Sa Bislip for di parlamento pa asina pone otro colega na su lugar.

Cu e baimento di e dos candidatonan aki nan lo haya bek riba lista Tevreden y Romero kendenan parce ta esnan cu lo drenta parlamento. Asina mes tin hopi hende spanta riba e lista di MEP pasobra nan no sa kico lo pasa cu nan prome cu dia 7 di Augustus.

Esey ta e dia cu definitivamente nan lo dicidi si nan lo ta riba lista of no pa partido MEP.Pa loke ta Arondino Croes kende a haya un cabez di boto tambe den parlamento ta bisto varios caminda cu hopi material di campaña.

El a lanta oficina na Santa Cruz den area di Robert Maduro y tambe el a lanta asina un borchi cu flatbom den curazon di Paradera poco pabao di e colega di Piedra Plat y den e area di campaña di su coleganan Marlon Werleman y Dr Maikel Kelly.

Esaki ta loke cu coleganan di MEP a considera como canibalismo. Esey nan mes a conta DIARIO den combersacionnan priva cu varios di nan.

Den pasado Nel Oduber mes a yega di bisa cu MEP ta campaña den MEP rancando votonan di otro. Awor Arondino ta un di esnan cu a wordo menciona den henter e canibalismo politico aki.

Tambe Nel a haya algun keho basta pisa di hendenan cu lo a keda perhudica den un of otro proyecto cu mesun politico lo mester a haci pa nan.

For di fuentenan den MEP DIARIO tin información cu orden a bai pa Arondino pa atende cu e problemanan aki pa e por garantiza su pocision riba e lista di MEP pa proximo eleccion.

Nel su dolor di mas grandi ta e trahamento di lista tur eleccion y esey públicamente el a yega di declara. Nos lo sigui vigila e desaroyonan pasobra den MEP tin hopi sorpresa e dianan aki.

- Advertisement -

DUNA COMENTARIO

Please enter your comment!
Please enter your name here