Home Deporte Seleccion di Baseball Junior a regresa victorioso Aruba

Seleccion di Baseball Junior a regresa victorioso Aruba

1
0
SHARE
- Advertisement -

baseball4ORANJESTAD (AAN)— Den oranan di atardi di ayera e seleccion di baseball Junior di Aruba a regresa for di Miami cu e titulo di Sub-campeonnan.

Na nan yegada na Aeropuerto, tabata tin algun familiarnan pa ricibi nan sin embargo algun di nan a keha cu no tabata tin un recepcion mas emotivo pa nan ya cu nan a logra algo grandi pa Aruba, sin embargo tabata tin informacionnan relaciona cu nan yegada cu tabata basta bruha.

E muchanan a wordo dirigi na e sala di VIP caminda ministro di Deporte, Cultura y Labor, Sr. Ramon Lee, a ricibi nan y a expresa cu satisfaccion grandi pa lo cual nan a logra na Merca. A la vez el a expresa cu no tabata tin algo special pa nan prepara pa nan regreso pero cu otro siman a prepara un recepcion mas adecua pa nan.

Ariba e combinacion di potret por aprecia e momentonan cu e miembronan di e seleccion Junior a pasa den sala VIP caminda e famianan di e hungadornan a bai ricibinan.

- Advertisement -

DUNA COMENTARIO

Please enter your comment!
Please enter your name here