Home Deporte Seleccion di Senior League a regresa for di Bangor Maine

Seleccion di Senior League a regresa for di Bangor Maine

0
0
SHARE
- Advertisement -

baseball5ORANJESTAD (AAN) — Dialuna anochi cu vuelo di American Airlines a regresa Aruba e seleccion di Senior League cu a bai competi den e Serie Mundial di Senior League, na Bangor, Maine. E seleccion aki a haci un tremendo trabou durante di e serie mundial y a logra keda na di 3er lugar.

Despues di a titula Campeon Latino Americano nan a bin Aruba y gana tur nan wega nan durante di Weganan di Reino y a bai Bangor, Maine cu un record di 15-0. E team tabata hopi bon prepara, a pasa algun error cu a pone nan perde nan prome wega.

Pero despues di a perde, nan a bin bek y ta dal Italy pa Knock-out y a sigui saca nan rabia riba e otro team nan y ta te na e Semi-Final nan ta bin perde contra di un team cu nan no mester a perde.

Pero mester corda maske cu nan e comete algun error, mester corda tambe cu e muchanan aki a haci nan maximo esfuerso pa logra bin cas cu e titulo di campeon. Nan no tabata hunga so contra di e team nan, pero contra di e umpire nan tambe y e fanatico grandi cu tabata bin apoya e team contrario.

Pero asina mes e seleccion di Aruba a planta respet na Bangor, Maine. Na nan yegada representante di Minister di Deporte, sr. Dochi Lee y mayor nan a bai den VIP room pa asina ricibi e seleccion completoy dirigente nan cu a bai companja nan. Un alegria inmenso por a wak riba cara di cada di un di e mayornan.

Sr. Dochi Lee a hiba palabra y e cuminsa na pidi un disculpa cu minister di Deporte no por tabata presente, ya cu e la cumpli anja y famia nan a dune un sorpresa na cas. Pero a jama e seleccion Bon Bini y a duna nan un caluroso pabien pa e bon trabou cu nan a haci y pa promociona Aruba aya na Bangor.

Tambe E la bisa cu e anochi ey no ta bai tin parade, ya cu ayera mainta hopi di e muchanan mester a bai nan prome dia di scol, pero e parade lo bai tuma lugar un dia hunto cu e seleccion di Junior League cu a keda na di dos lugar den e Serie Mundial di Junior League, cual ta Campeon International.

E dia no ta conoci ainda, pero dentro di poco lo avisa e manager nan pa asina e team nan por ta prepara pa e grandioso parade y e cena cu lo tuma lugar despues. DIARIO Deportivo tambe kier a haci uso di e oportunidad aki pa felicita e dos seleccionnan, esta di Senior League y tambe e Junior League cu e logro grandi cu nana haci, y tambe na e medio nan di communicacion cu a trece tur e informacion nan pa Aruba por a keda informa di tur locual cu tabata pasa aya na Taylor, y na Bangor. Pabien Aruba !!!!!

- Advertisement -

DUNA COMENTARIO

Please enter your comment!
Please enter your name here