Home Policial Señora a denuncia cu su frigidaire a somenta misteriosamente

Señora a denuncia cu su frigidaire a somenta misteriosamente

2
0
SHARE
- Advertisement -

ORANJESTAD (AAN); Central di polis riba Diaranzon atardi a dirigi patruya di Oranjestad na un cas situa den Sividivi. Tabata trata di un asistencia cu lo tin di haber cu un caso di ladronicia.

E unidad policial mientras tanto a presenta na e adres, y agentenan a atende e señora di inicialnan S.v/d. B. di 49 aña di edad, y el a duna polis di conoce cu e ta doño di cas.

Segun e señora su version cu ladron a drenta den su cas y a bay cu su frigidaire. Denunciante a splica agentenan cu e tin fuerte sospecho, cu ta amigo di su ruman homber, kende ta un tal W.D. ta envolvi.

A base di e version aki, polis a dicidi di yama via telefoon e tal W.D. E homber W.D. a bisa polis enberdad cu permiso di e doño el a bay cu e frigidaire, cual aparato porcierto ta di ruman di señora denunciante cual ta e señora M. bibando na hulanda.

Tambe W.D. a añadi cu ora el a bay na e cas, tabatin dos persona presente, nan hasta a dune permiso pa drenta y bay cu e frigidaire.

E persona W.D. categoricamente a rechaza e acusacion di a drenta horta e frigidaire en cuestion. Ademas W.D. a bisa polis tambe cu e ta bay yama señora M. te na Hulanda pa e drenta den contacto cu e ruman muher inicialnan S.v/d B. pa splike un que otro.

- Advertisement -

DUNA COMENTARIO

Please enter your comment!
Please enter your name here