Home Hudicial Sentencia di arbitrahe ASTEC diabierna of mas tarda dialuna

Sentencia di arbitrahe ASTEC diabierna of mas tarda dialuna

3
0
SHARE
- Advertisement -

barcocontainerORANJESTAD(AAN): Tres huez hulandes a bin Aruba pa asina trata e caso di arbitrahe cu ASTEC a cuminsa pasobra gobierno kier termina e relacion di trabao cu nan.

Parce cu APA a manda e carta den nomber di gobierno despues cu e hunta di comisario a firma pa e director di APA haci esaki. E mandamento di e carta pa termina y kibra e monopolio of e contrato cu ASTEC y APA pa loke ta e waf di carga ta algo cu no a bay facil.

No tur esnan den e hunta di comisario na prome instante tabata desea pa e director di APA manda e carta pa ASTEC. Te hasta tin cu a tuma nan retiro for di e hunta di comisario di APA. Finalmente gobierno a logra hinca su hendenan nobo y asina a logra mayoria pa exigi e director manda e carta pa ASTEC.

ASTEC a busca caminda legal pa cana y el a logra esaki tambe a base di arbitrahe. Un caso cu a dura basta prome cu el a keda trata y for di Hulanda tres huez a bula bin Aruba unda dialuna for di mainta trempan te oranan lat di atardi a trata e caso cu presencia di e abogadonan di ambos partido. Diamars un biaha mas mainta e caso a sigui pero a schors esaki un rato y finalmente merdia el a continua y termina algo pasa di 3’or.

E intencion ta pa e hueznan tuma un decision Diabierna awor y sino dialuna mas sigur. Asina mes abogadonan ta kere cu pa Diabierna mes e decision lo ta cla riba papel. E sentencia aki ta hopi importante pa cu e desaroyo di waf di carga na Aruba.

- Advertisement -

DUNA COMENTARIO

Please enter your comment!
Please enter your name here