Home Deporte Summer Camp di Futbol organiza pa ASOF a yega na su final

Summer Camp di Futbol organiza pa ASOF a yega na su final

0
0
SHARE
- Advertisement -

sumer1ORANJESTAD (AAN)— Ayera tabata e delaster dia di e Soccer Summer Camp Aruba 2009 duna pa entrenadornan di Real Madrid Academy of the Americas.

Tur e hobennan cu a participa intensivamente den e camp aki a reuni for di trempan na sede di Compleho Deportivo Frans Figaroa na unda cu e miembronan di e fundacion ASOF, a prepara un dia pa nan por disfruta di diferente atraccion y tambe por finaliza e camp aki di un forma hopi ameno.

E participantenan a haya algun pasaboca y tambe cos dushi y bebidanan refrescante y despues a pasa pa e entrega di e certificadonan.

E cuerpo di entrenadornan di Real Madrid Academy of the Americas, a hasi entrega personal na cada un di e participantenan y tambe nan a felicita nan pa nan participacion y bon esfuerso hasi durante e camp aki.

Banda di e certificado nan a ricibi tambe un potret cu henter e grupo di participantenan, un raport di nan prestacion durante e camp aki, un banderin conmemorativo na e Soccer Summer Camp ASOF 2009 y tambe un bala di futbol.

E muchanan a mira un trayecto di 4 dia unda cu felismente nan a mira cu nan lo por aplica e conocementonan adkiri den e camp aki den nan proximo encuentronan di e campeonato Lifida.

Diario Deportivo a conversa cu algun di e entrenadornan di e academia di Real Madrid di Miami, y nos a puntra nan con a bai cu henter e camp durante e 4 dianan aki y tambe con a bai cu e anochi informativo cu a wordo teni pa mayornan y coachnan.

Sr. Edgar Jiménez a indica cu e camp aki a wordo desaroya satisfactoriamente y cu nan a mira cu e muchanan a mustra disciplina durante e entrenamentonan, algo cu a laga nan hopi contento.

Tambe a referi na e anochinan informativo unda cu a splica cu a bin cu e cambio pa hasi un anochi informativo specialmente pa e mayornan y otro pa e entrenadornan, tur dos anochi informativo a logra e metanan cu tabata tin ariba mesa ya cu tanto e mayornan como e coachnan a bombardea e entrenadornan aki cu preguntanan y definitivamente e interes tabata hopi notorio, pa motibo di esaki, nan a considera cu pa luna di October proximo, nan lo ta bek na Aruba pa dirigi un Seminario enfoca especialmente na e coachnan y entrenadornan, esaki lo bai ta un seminario teorico/practico pa lo cual nos ta recomenda na tur e coachnan y entrenadornan di teamnan di futbol pa cuminsa prepara pa esaki.

Ariba e combinacion di potret por aprecia algun imagen di e final di e Soccer Summer Camp Aruba 2009.

- Advertisement -

DUNA COMENTARIO

Please enter your comment!
Please enter your name here