Home General Tanten cu helicopter no worde registra na aruba e no mag bula

Tanten cu helicopter no worde registra na aruba e no mag bula

2
0
SHARE
- Advertisement -

crisaviacionORANJESTAD (AAN) – Nos redaccion a entrevista señor Chris Dammers, director interino di Aviacion Civil y a enfoca riba tres aspecto: e asunto di helicopter di polis cu e departamento aki a duna prohibicion pa bula; inspeccion riba Tiara Air pa su renovacion di permiso y e avioneta venezolano cu a accidenta riba pista algun siman pasa, y cu ayera su doñonan a bin Aruba.

Tocante e helicopter cu polis ta usando no mag di bula, sr. Dammers a splica cu e proyecto di helicopter aki a cuminza na aña 2003, unda cu Aviacion Civil a sinta e tempo ey cu representantenan di Cuerpo Policial y e tabata consisti e tempo ey di wak e posibilidad con Aruba por haya un operacion di helicopter cu por a asisti KPA y tur otro instancia concerni pa combati ilegal y otro aspectonan cu ta relaciona cu e trabao policial, y rescate, etc.

“ E tempo ey a lanta un comision chikito y tabata tin diferente proposicion. Finalmente nan a bin na un operador cu lo a bay haci e servicio aki pa Polis. E construccion e tempo ey, si ta comercial of no, a worde evalua y tambe mirando e hecho cu e momentonan ey e operacion tabata completamente domestico, kiermen nos no ta toca lama of paisnan internacional unda mester tene cuenta cu acuerdonan internacional, etc.

“ A duna nan cierto flexibilidad. E leynan tog ta bisa cu si bo tin avionnan cu ta bay haci servicio semi-comercial pa cu polis of douane e avion mester ta registra na Aruba. Desde e tempo ey cu nos a sinta cu nan na mesa, nos a duna nan un flexibilidad y nos a bisa nan cu nos ta bay wak seis luna of un aña con e proyecto ta bay, si e ta rendable pa Polis y na e momento ey a duna nan cierto flexibilidad”, sr. Dammers a splica.El a sigui bisa cu pa cuminza Aviacion Civil ta bay di acuerdo pa e avion ta registra na Venezuela.

“ Loke nos a mira desde e tempo ey, cu diferente hende cu ta representa e compania aki, na Aruba, y cu nos a sinta cu nan na mesa na 2005 y 2007, ta cu e asunto ta keda rek y rek. Nan ta bezig cu operacion y te na 2007 nan a bin set up e compania aki, ASTAVEN, cu ta representa nan na Aruba. E compania mes ta Aerotecnica di Venezuela” sr. Dammers a comenta.

El a sigui bisa cu te na Maart 2009 nan a bin pidi Aviacion Civil pa registra e avion na Aruba, pues dos aña despues nan ta bin pidi pa kita e registracion na Venezuela, caminda cu e proceso ta cuminza.

Fuera di esey, Dammers a señala cu pa Aviacion Civil esaki a tarda mucho y con cu bay bin e situacion ta serio pasobra nan ta bula riba cas di hende, riba aglomeracion di persona, y na parecer di Aviacion Civil nan tin cu hala nan atencion.

El a agrega cu nan tin cierto lugarnan cu nan tin autorizacion pa bula riba areanan cu nan mag bula, opera y tin mag di baha pa haci nan trabao debidamente, pero tog tin biaha e situacion no ta bay manera Aviacion Civil ta desea.

Ademas, tanten cu e avion ta registra na Venezuela, Aruba no ta e estado di registro y no tin control riba e avion ni control total riba e tipo di mantencion cu e ta haya y nan no sa mas aya cu e condicion di e avion di pafo.

“Nos a yega na un punto unda cu nos como departamento di aviacion a bisa cu ta basta, y e avion aki mester worde registra na Aruba, con nos por tin control y asegura e pueblo di Aruba cu e avion aki ta den condicion cu e por haci trabao cu nos mester aki na nos Isla”, segun sr. Dammers.

El a reitera cu for di Maart nan a haci un peticion oficial na Venezuela pa cuminza e proceso pa kita e registracion na Venezuela pero ya caba mas cu tres luna a pasa y sr. Dammers no ta haya cu ta prudente pa zorg pa esaki sosode debidamente.

Aviacion Civil a bolbe duna nan un luna mas di tempo pa wak con cos ta bay, pero momento a yega cu for di 1 di Juli e helicopter ta na vloer y cu a dicidi cu ya ta basta y cu awor si nan tin cu haci lo necesario pa tur cos ta bon, pa e operacion ta sigur y e helicopter ta bao control di Aviacion Civil.

Director Interino di Aviacion Civil a haci enfasis cu despues di 2008 ICAO a bin cu hopi regla y norma nobo ta riba mesa y cu mester cumpli cu nan, specialmente riba tereno internacional cu Aruba no por ta flexible anto, por ehemplo, laga un avion bula riba un pais si e cay riba un cas of otro tin investigacion ta worde haci.

Tin un acuerdo internacional di Chicago cu tur pais a compromete pa cumpli y si Aruba no ta hacie e ta haya su mes den problema, sr. Dammers a subraya y agrega cu no por tin un “ketting” swak den e cadena. Pues tur pais mester haci esaki y esey ta loke Aruba ta haciendo manera nan a priminti den tur Asamblea y Conferencia Internacional cu Aviacion Civil Aruba tambe ta forma parti di dje. Tur pais tin cu cumpli y ta transparente den e manera di certifica y aproba cierto procesonan.

- Advertisement -

DUNA COMENTARIO

Please enter your comment!
Please enter your name here