Home General Trabao di turbo rotonde wayaca ta mustra curu ainda

Trabao di turbo rotonde wayaca ta mustra curu ainda

1
0
SHARE
- Advertisement -

rotonde1ORANJESTAD (AAN) – Por corda cu den entrevistanan teni cu funcionarionan di D.O.W tocante e proyecto turbo rotonde na Wayaca, a worde bisa cu e lo keda cla na Augustus, esta e luna aki. No obstante, e trabaonan ta parce ainda curu.

DIARIO a cana un rato unda e trabaonan ta tumando lugar y a nota cu (aunke nos no ta experto) cu e obra ta parce un poco curu ainda y cu no ta mustra cu e proyecto lo por ta cla e luna aki.

Ohala berdad e lo por keda cla lihe pasobra e caminda di Primavera entre Wayaca Texaco y unda e trafico ta bira man robes pa sali na e caminda alternativo (pasando dilanti Club Primavera) ta demasiado druk tur dia, incluso ta peligroso.

Podise polis di trafico y esnan di D.O.W no a bay tira un bista pasobra nan ta kere cu e trafico ta bay facil eybanda, pero esey no ta e caso. Tin biaha e hendenan cu ta cliente di e supermercado cu tin en e area aki no por saca nan auto for di e stacionamento di establecimento aki, pasobra tin hopi auto ta bay bin, entre otro bus, vehiculo di carga, etc., y tin momentonan cu e situacion ta bira hasta peligroso.

Diabierna cu a pasa cu tabata tin entregamento di lista e caminda aki a bira un caos total. Fuera di e trafico extra cu ta circula eynan tanten cu tin camindanan cera, tabata tin autonan den rij di tur partido politico cu na dado momento a trece un stagnacion den e trafico, masha formal.

Pesey tin hende biba den e bario aki cu si ta desea pa e turbo rotonde keda cla y e rutanan normal bolbe habri pa asina por tin un tiki mas di espacio y menos peligro pa e habitantenan di e bario cu tin biaha ta pasa den problema serio pa por saca nan auto for di garashi of pa drenta den dje.

- Advertisement -

DUNA COMENTARIO

Please enter your comment!
Please enter your name here