Home General Turista a bolter cu auto y ranca palo di luz

Turista a bolter cu auto y ranca palo di luz

1
0
SHARE
- Advertisement -

ax_marriott_ (1)ORANJESTAD (AAN): Un turista procedente di Francia a resulta herida, ora cu el a bolter cu su Toyota color silver cu number V-2015, net pariba di Marriott Aruba Resort & Casino riba Lloyd G. Smith Boulevard.

A resulta cu un Pickup di un compania di Landscaping no a duna preferencia na e V-auto, y nan a dal den otro.  A consecuencia di esey, e V-auto a bay di banda den un scual, dal un palo di luz y ranca esaki completamente, y despues bolter.

Prome cu e impacto, e V-auto a lastra un brake basta largo, pero tog a dal den e pickup.  E turista masculino procedente di Francia, a sufri di golpi na su nek.  E tabata keha di dolor, y por a mira riba su cara cu e ta sufriendo bastante di e golpinan ricibi.

z_ax_marriott_ (2)

E politico Richard Visser cu tabata den area a presta asistencia medico, y despues Paramediconan cu a yega cu Ambulans, a sigui cu e proceso di pone un neck-bracket, y despues transporte pa Hospital.

Polisnan a tuma nota di e accidente, y a traha un rapport completo pa asina check con e asunto aki ta hinca den otro.  E Toyota Hilux pickup blanco di Loreto Landscaping a ricibi daño material na e porta banda drechi.   E Toyota V-auto di Super Car Rental a haya mas sla material.

- Advertisement -

DUNA COMENTARIO

Please enter your comment!
Please enter your name here