Home Policial Venezolano burachi a viola cantidad di ley di trafico

Venezolano burachi a viola cantidad di ley di trafico

0
0
SHARE
- Advertisement -

TraficoORANJESTAD.(AAN) —A drenta informe na warda di polis den oranan di marduga y e persona cu a yama a reporta na e agentenan cu na Jaburibari tin un hende muher di edad grandi cu ta den Pijama color cora riba caya.

E unidad policial na caminda pa Jaburibari, na haltura di e rotonde di Paradera, a wak un pickup color blanco di modelo Ford Ranger , A.19097, cual su chofer tabata core banda robez di caminda, locual ta prohibi.

E vehiculo a sigui bay zuid. Mesora polis e reacciona y nan a bay tras di e vehiculo.Asina a logra para e chofer na haltura di Morning Supermarket. E patruya a para tras di e Ford y na momento cu polis kier a atende e chofer, e ultimo a dicidi dera trot bira bay na man robez drenta den Rooi Afo.

Den un bocht den San Barbola e chofer a perde control para meymey cu su auto entre un palo luz y waya cu ta sostene esaki. Consecuentemente e chofer a bay dal den cura di un cas.E chofer a bula abao y a bay para patras di su auto.

Polis a ordena e chofer pa e hisa su man nan na laira .E chofer no kier a hisa su mannan y a dicidi di acerk’e cu cuidao. Polis a saca klop debi cu e homber a pone posicion pa bringa, pero den un fraccion el a wordo manda tera y asina cu e tabata plat na suela e agentenan a pone den boei.

Na warda di polis fiscal auxiliar a ordena pa encarcela e homber, di inicialnan R.R.C. naci na Venezuela di 37 aña, pa buracheria y den transcurso di mainta lo a traha cantidad di verbaal pe relaciona cu violacion den leynan di trafico.

A keda reporta tambe un desgracia cu dos auto envolvi. Un di e chofernan cu tabata burachi cu lo a ocasiona e desgracia a wordo deteni. Aparentemente spanto lo a pone cu su carson a keda muha back and front. A transporta e chofer pa warda Playa y a cer’e pa pasa su wayaba.

- Advertisement -

DUNA COMENTARIO

Please enter your comment!
Please enter your name here