Home General Victima di hogamento a worde identifica como Willem Rasmijn

Victima di hogamento a worde identifica como Willem Rasmijn

6
0
SHARE
- Advertisement -

morto2ORANJESTAD (AAN): Despues di basta rato buscando detaye, autoridad a bin haya sa identidad di e homber cu a worde saca for di laman sin biba na Rodger Beach. Manera ta conoci ampliamente den nos edicion di ayera mainta a worde publica relata di e caso lamenta aki.

For di e informenan cumpli ta indica cu e victima cual a worde identifica como Willem Benjamin Rasmijn naci na Aruba riba 31 di maart 1964 y ta biba na Cumana.

Willem tabata den compania di su amiga na Rodger Beach ta combersa. Na un dado momento aparentemente debi na un discusion e amiga a lanta bay y bandona e lugar den un pickup preto lagando Willem atras.

No ta conoci si Willem a dicidi di drenta laman pa fresca curpa, pero tabata tin piscador den vecindario a nota e persona encuestion ta landa pero cu dificultad. Na un dado momento Willem a confronta problema y a hoga.

E curpa di Willem a worde saca for di laman , mientras a bati alarma. Polis, Recherche, ambulans, dokter a worde dirigi na e lugar. A resulta cu e victima no tabata duna señal di bida dokter Tromp a constata morto di e victima. Dificilmente por a saca afor kende tae persona sin biba.

A usa servicio di Mementomori Funeral Home. Autoridad pa medio di vocero policial a haci un suplica mesora si cualkier persona lo por sa identidad di e victima pa notifica inmediatamente central di polis.

Den transcurso di ayera mainta, ruman homber di e señora cu tabata ultimo den compania di e victima a reporta pa notifica cu a homber hoga ta Willem Rasmijn. Su fecha di nacimento esun cu a reporta no tabata sa. E ruman di e muher a splica autoridad cu su ruman muher lo ta den shock pa locual a socede cu su amigo. Mientras tanto e muher a worde scucha pa duna su version kico lo por a tuma lugar y pa sa e pakico a bay laga e victima atras.

Na famia di Willem Benjamin Rasmijn, Diario ta extende palabra di condolencia.

- Advertisement -

DUNA COMENTARIO

Please enter your comment!
Please enter your name here