Home Estilo “Liberty Discount Card” a worde introduci pa e consumidor na aruba

“Liberty Discount Card” a worde introduci pa e consumidor na aruba

0
1
SHARE
- Advertisement -

eva1Door di “Financial Liberty Management” cu base na Puerto Rico:
ORANJESTAD (AAN) – Ayera atardi a tuma lugar un conferencia di prensa conduci pa sr. Juan Garcia, ken ta representa e compania “Financial Liberty Management” cu tin su base na San Juan, Puerto Rico. El a introduci na Aruba e asina yama “Liberty Discount Card”.Esaki ta un programa, segun Garcia a splica, cu ta atende e necesidadnan inmediato di tur persona residente na Aruba y nos bishitantenan.

“Muy exitosamente, durante e ultimo cinco añanan nos a bin ta trahando cu famianan Portoriqueño y cu nos ruman Republica Dominicano, unda nos a hiba e oportunidad na cada famia pa den e crisis mundial cu nos ta bibando, pa por sigui sali y comparti den famia. Esey ta nos mision”, Garcia a bisa.

El a agrega cu atravez di e programa di descuento aki tur hende por bishita restaurant, tienda, hotel, entretenimento, etc., cu obtencion di 10% te cu descuento ilimita.

“ Esaki ta un programa cu tin tur cos cu un famia mester pa por sigui comparti, economiza y estabiliza su finanzanan y algo hopi bon ta cu nos ta bay educa e famianan pa nan siña con pa spaar na banco, pa nan busca descuento na momento di consumi”, Garcia a splica.

El a agrega cu nan ta bay provee e personanan cu ta adkiri, pa medio di algun institucion manera banco, compania di seguro, y den casonan di hotel esakinan ta supply, ta bay tin un guia cu e descuento specifico y esnan cu bishita e comercio concerni e guia ta bay specifica cual ta e descuento otorga den e negoshi ey.

eva2Ta trata aki di un carchi cu tin un cinta magnetico patras, tur ta enumera y tin un code cu e negociante por registra y nan tin fecha di expiracion. Kiermen, e consumidor ta presenta e carchi na e cahero y esaki ta haci su descuento corespondiente.

E consumidor solamente ta bay na su banco of instancia di seguro di preferencia y nan ta regala e dicho programa. E cliente no tin cu inverti den e prome etapa aki. Tur comercio participante ta bay ta rotula cu sticker cu publicidad y tin personal cu ta bishita nan regularmente pa sigura e calidad y control di e producto.

Ademas nan tambe ta participa den un pagina web, unda nan lo haya tur informacion, of por manda algun oferta adicional cu e compania na Puerto Rico, por publica den su pagina web.
Esaki ta un proyecto cu cual nan kier impacta nos comunidad y nos comercio.

Pa dia 1 di November lo tin caba e prome producto cla na Aruba, y nan lo convoca otro rueda di prensa pa presente y e publico sa cu e ta disponible y conoce un poco mas di dje cu su 200 establecimento contrata.

- Advertisement -

1 COMMENT

DUNA COMENTARIO

Please enter your comment!
Please enter your name here