Home Estilo Adrian Cardoso, ganador di aruba model search 2008

Adrian Cardoso, ganador di aruba model search 2008

89
0
SHARE
- Advertisement -

model1A firma cu agencia “Angels Models Men” na Paris !!!
ORANJESTAD(AAN)— E ganador masculino di Aruba Model Search 2008, Adrian Cardoso, a caba di ricibi representacion na Paris. E agencia renombra “Angels Models Men” na Francia cu ta representa modelonan renombra manera e supermodelo masculino Mark Vanderloo a contacta Ronchi De Cuba pa asina representa Adrian Cardoso na Francia. E modelo cu ya caba tabata na Europa pa via di su representacion na Spanje cu View Model Management awor ta wordo representa tambe na e capital di moda Europeo esta Paris !


E expectativanan pa Adrian ta sumamente grandi na Europa ! Fuera di esaki Adrian a firma tambe cu Wilhelmina Model Management na New York asina cu e a gana Aruba Model Search 2008.

E ta wardando ariba su visa di trabao keda cla pa e ora e biaha pa New York pa fungi como modelo exclusivo di Wilhelmina Model Management pa henter U.S.A. !
AMS SU GANADORNAN !!!

Esaki sigur ta otro prueba mas di cu Aruba Model Search ta internacionaliza su ganadornan. Na 2006 Angelie Thijsen a logra obtene representacion internacional y visa di trabao pa Merca cu Marilyn Model Management na New York. Jean Phillipe Flanegin (q.e.p.d.)

Tambe a ricibi representacion internacional di Request Model Management. Alrick Tromp di AMS2007 a firma cu 301 Model Management na Miami y ta wardando pa su visa di trabao keda cla.

Charlene Leslie di AMS2007 a firma cu Wilhelmina Model Management na New York y ya caba a ricibi su visa di trabao pa Merca. Adrian Cardoso di AMS2008 ya ta realisando su trayectoria internacional y ta firma cu tres agencia di renombre mundial na Spaña, Francia, y Merca.

Kaylan Cooper di AMS2008 a realisa su “test shoot” pa 301 Model Management y ta warda pa e termina su estudio na Aruba pa asina e cuminsa prepara pa modela na nivel internacional.

- Advertisement -

DUNA COMENTARIO

Please enter your comment!
Please enter your name here