ORANJESTAD(AAN): For di momento cu e baby di cuater luna accidenta na Tamarijn a yega hospital por a mira cu e sla na su cabez tabata uno hopi serio. Por a mira dilanti den e auto cu e mama tabata stuur tabata tin un carrier. E baby tabata sinta den e carrier. Kizas si ta bon e baby mester tabata sinta patras den su carrier. E mama tambe a keda herida. Despues cu e baby a bai CT Scan tabata necesario pa mande cu urgencia pa exterior. Docter mes a duna ok for di diadomingo pa e baby bai.
For di dialuna mainta tabata pendiente pa e Air Ambulance di SARPA bin Aruba pa busca e baby. Esaki a logra te anochi pasobra parce e compania di Air Ambulance mester a haci nan asuntonan prome y despues bula bin Aruba.
Mientras cu mester keda depende di Air Ambulance di Colombia keto bai e air ambulance di Aruba mes ta pendiente riba algun documento dor di aviacion civil.
E personal di ambulance di Aruba a bai na e pia di e avion pa busca e material necesario pa por transporta e baby di hospital pa avion.
Riba e foto por mira e momento cu tabata haci e transporte. E mama di e baby a bai cu su yiu y tabata tin golpi ainda bisto na su curpa. Un amiga di dje a compañe den e viahe.
