ORANJESTAD (AAN): Alarma grandi a worde bati diadomingo marduga algo prome cu 3or.
Un avion Boeing di American Airlines a bati alarma pasando hopi cerca di Aruba. E avion a sali di Miami cu destino Brazil. Tabata tin como 170 pasahero abordo.E capitan di e avion a notifica toren di control di Aruba cu tin huma den cabina. Na Aruba e departamento di emergencia di cuerpo di bombero a haci e preparacion necesario pa yegada di avion.
A bati alarma grandi pa e caso aki na prome instante. Despues e capitan a notifica cu e situacion no ta motibo pa panico. Asina mes na Aruba a prepara pa su yegada. E avion a baha sin problema na Aruba. A probecha di inspecciona e avion mesora.
Despues di un bon rato e avion a lanta vuelo back cu tur pasahero cu destino Brazil. Tur cos a keda na un susto chikito. Asina mes no tabata facil pa logra haya tur ambulance di gobierno.
Por a mira un ambulance di San Nicolas, uno di Oranjestad, uno di EMS y tambe esun di Cruz Cora. Ta bon cu Aruba ta bendiciona pasobra e hefenan cu mester tabata tey mes a cana kibra ora cu tur cos prácticamente a termina.
