Home Politica Analisis politico……

Analisis politico……

1
0
SHARE
- Advertisement -

analisis_politicoPueblo no ta bay lubida Nel Oduber
ORANJESTAD (AAN): En bez cu e gobernantenan di MEP a baha man cu nan maldadnan den gobierno e situacion a bira pio. Si hende a kere cu nan lo tabatin siquiera e notion cu eleccion ta dentro di algun dia y cu pueblo ta wak kico nan ta hacienda lo pone nan bira un poco mas cauteloso esaki no ta e caso.Nombramentonan den gobierno a bira mas cu nunca.

Reglamento di un cantidad di permiso a bira un desaster. Henter e aparato gobernamental awo ta den servicio di e campaña di MEP. Un cantidad grandi di hende ta sinti cu e cambio ta na caminda y nan kier haci todo por todo pa regla nan interesnan prome cu ta laat.

Tur ministro awo ta concentra solamente ariba gana mas voto posibel na tur manera. Ningun momento un di nan ta realiza con malo esaki ta pa Aruba y cu hasta tur esaki a cuminza traha contra di nan. Hendenan cu a warda añas ariba algo cu nan tin derecho ariba dje awo ta mira cu diripiente si nan ta haya loke tanto aña nan a warda pe.

Nel y su coleganan ta kere berdad cu nan por cumpra e hendenan cu tanto tempo a sufri door di bin awo na ultimo momento prome cu eleccion cu mentiranan nobo.

E hendenan ta corda e MEPnan loke Nel mes a yega di bisa cu campaña ta un y gobernacion ta otro. Nel ta trata di bishita e casnan pero tur dia ta tende con e ta worde cori malamente pasobra e abuso di tanto aña ta worde corda. Hopi hende ta di opinion cu e maldnan di e gobierno di MEP mester worde castiga y castiga severamente.

Nan no por kere cu nos pueblo ta lubida kico a worde haci contra nan y awe diripiente e MEPnan ta e hendenan mas cariñoso cu tin. E pueblo ta rabia e pueblo tin odio contra e ministronan di MEP.

Nel a experencia esaki durante e ultimo simannan cu e ta purba di drenta e casnan di nos famianan. E ta mira den e caranan di nos conciudadanonan e dolor cu nan a pasa door di su medidanan cruel. E ta mira den nan wowonan e rencor profundo pa motibo di e inhusticia grandi cu nan mester pasa aden door di e actonan maligno di Nel mes.

E ta mira cu esnan cu e ta topa ta sinti con nan mester sufri pasobra Nel Oduber a haya necesario pa hinca sumanan miyonario den saco di su amigo y famianan mientras cu na cas di un parti grandi di nos pueblo e muchanan tin hamber. Nel ta cuminza realiza kico ta bay pasa cune aki na Aruba.

El hunto cu su gobierno a keda tortura un parti grandi di nos hendenan ariba e pida baranca aki. Nel Oduber a kere cu e por a sigui cu e manaho di criminal y e pueblo lo keda reacciona manera e a haci den pasado.

E no a realiza cu tin un momento cu tur hende ta bira conciente kico ta pasando ariba nos isla y nan ta cuminza mira cu e inhusticia cu tin ta bin directamente door di un gobierno criminal.

Nel Oduber e fin di siman aki atrobe a purba di bishita cas pa trata ainda di cambia opinion di hendenan cu antes tabata su votadornan y e a mira cu e decision ta tuma den nos pueblo.

Su suerte ta cu partido AVP ta un partido pacifico cu no ta instiga su hendenan contra e criminalnan di MEP manera MEP si ta y a haci semper. Si AVP a hiba un politica asina Nel Oduber lo no por a cana rond mas na Aruba. E sa esaki tambe.

Tur su hendenan a bira miyonario ariba lomba di esnan mas debil den nos comunidad. Na un manera di mas grosero cu tin e dirigentenan di MEP a pluma e caha di gobierno sin lo minimo di sintimento pa e hendenan cu mas ta depende di e atencion di gobierno.

Si e partido AVP tabatin e mesun caracter di kibra hende Nel Oduber lo mester cana cu hopi mas bodyguard cu e tin na e momento aki. Den e analisis politico aki hopi biaha a worde treci padilanti cu Nel Oduber ta bay worde baha den e proximo eleccion pero esaki no kier meen cu Nel Oduber ta bay worde lubida despues di eleccion. Hendenan ta bay keda corda e crueldad cu e a comete contra miles di nos hendenan.

- Advertisement -

DUNA COMENTARIO

Please enter your comment!
Please enter your name here