Home Politica Andy Lee a bishita mas di 1000 cas

Andy Lee a bishita mas di 1000 cas

0
0
SHARE
- Advertisement -

avpandylee“Prioridadnan politico for di bishita di cas”
ORANJESTAD(AAN):— Den periodo di campaña bishita di cas ta un manera efectivo pa sincronisa prioridadnan di un partido politico cu prioridadnan di ciudadanonan.Mediante intercambio di ideanan por haya un bon bista di locual ciudadanonan ta considera importante pa futuro di nos país.Door di bishita casnan den diferente barionan di nos país por haya un bista general di prioridadnan cu ta biba bou di ciudadanía.
Candidato di AVP Andy Lee ta considera bishita di cas como un manara importante pa yega na información relevante di locual ciudadanonan ta considera prioridadnan pa Aruba pa cu e siguiente elección.

E casnan cu ta bishita no ta solamente di miembronan di partido AVP.Ta bishita ciudadanonan cu ta simpatisa cu otro partidonan político tambe pa haya un bista general di prioridadnan cu ta biba na Aruba.

Den un periodo di seis luna Andy Lee a logra di bishita mas di 1000 adres na Aruba y a sa di intercambia di idea cu un cantidad di ciudadanonan.

Den tur bario na Aruba a peil bou di ciudadanonan cual ta e puntonan mas importante cu lo mester traha ariba bou di un gobernación nobo.

Como candidato di Santa Cruz, Andy Lee a pone un poco mas énfasis ariba bishita di cas na e distrito aki.

Pero asina mes a logra cubri partinan di cada distrito na Aruba.For di e diferente intercambio cu ciudadanonan ta resalta e grado halto di consistencia pa cu prioridadnan pa un siguiente gobernación.

Halto riba e agenda político di ciudadanonan ta e perdida di seguridad económico, cual ta ser sinti den e nivel halto di costo di bida na Aruba, pero tambe den perdida di cupo di trabou .
Otro puntonan importante ta trata seguridad, salubridad, educación y calidad di gobernacion, pero tambe medio ambiente. Recreo y deporte den bario conhunto cu iluminación pa caretera y mihor calidad di caretera ta topiconan importante pa Santa Cruz.

Partido AVP ta tene debido cuenta di e feedback cu nos ta haya for di bishitanan di cas.
Den e plan Aruba Ariba AVP ta ofrece solucionnan pa cu e diferente puntonan di preocupación cu ta biba bou di ciudadanía.

- Advertisement -

DUNA COMENTARIO

Please enter your comment!
Please enter your name here