Angel a score cu su DVD

ORANJESTAD(AAN)– Angel Coronel a score pisa cu su DVD graba di e Homenahe na Sparrow den luna di juli. El a bini cla cu editing di e DVD y durante fin di siman a pasa un cantidad na Whitey’s y cerca Boy na Bonaire Bar.

No a dura mucho cu tur e DVD nan a wordo bendi, ya cu tabata conoci cu fanaticonan cu a presencia e anochi dia aden dia afo tabata pidi pa esaki..
Whitey y Boy a haya un cargamento nobo, y por keda den contacto cu nan pa logra un di e grabacionnan, tambe lo por tuma contacto cu e organizadornan di e anochi.
Mester bisa cu tanto e calidad di color, e filmacion y e sonido ta di optima calidad y cu en berdad ta un recuerdo masha grato di e anochi exitoso aki.